සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
රජයේ ප්රධානතම ඉලක්කය වන්නේ මෙරට ආර්ථික ක්රියාවලියට බාධාවක් නොවන පරිදි විදුලිය සහ ඉන්ධන අඛණ්ඩව සැපයීම සහතික කිරීම බව කැබිනට් ප්රකාශක අමාත්ය නලින්ද ජයතිස්ස මහතා අවධාරණය කරයි. රජයේ ප්රවෘත්ති දෙපාර්තමේන්තුවේ පැවති මාධ්ය හමුවකදී මාධ්යවේදීන් නැඟූ ප්රශ්නවලට පිළිතුරු දෙමින් අමාත්යවරයා මේ බව පැවසීය.
සාමාන්යයෙන් අප්රේල් මාසය වන විට ගල්අඟුරු ගොඩබෑම අවසන් වුවද, ඇතැම් වසරවල එය ජූනි මාසය දක්වා දීර්ඝ වී ඇති බැවින් පවතින තත්ත්වය කළමනාකරණය කරගත හැකි බව අමාත්යවරයා විශ්වාසය පළ කළේය. කෙසේ වෙතත්, ලෝක වෙළඳපොළේ පවතින යුදමය තත්ත්වය හමුවේ බොරතෙල් සහ ගල්අඟුරු මිල ගණන් සීඝ්රයෙන් ඉහළ ගොස් ඇති අතර, ටෙන්ඩර් කැඳවීමේදී පවා සාමාන්ය කාලයට වඩා වැඩි මිල ගණන් ඉදිරිපත් වන බව ඔහු සඳහන් කළේය.
විදුලි හෝ ඉන්ධන මිල ඉහළ දැමීමක් සිදුවන්නේද යන්න පිළිබඳව මාධ්යවේදීන් විමසූ ප්රශ්නයට පිළිතුරු දෙමින් අමාත්යවරයා කියා සිටියේ, ලෝක වෙළඳපොළේ පවතින උච්චාවචනයන් හමුවේ මිල වැඩිවීමක් පිළිබඳව මේ මොහොතේ කිසිවෙකුටත් පුරෝකථනය කළ නොහැකි බවයි.
ලෝකයේ බලශක්ති සම්පත් බහුල රටවල් පවා මේ වන විට මිල ඉහළ දමා ඇති බවත්, රජය සියලු සාධක සලකා බලා ඉදිරියේදී තීරණ ගන්නා බවත් ඔහු වැඩිදුරටත් පැවසීය.
රජයේ මූලික අවධානය යොමුව ඇත්තේ ජනතාවට පීඩාවක් නොවන පරිදි බලශක්ති සැපයුම අඛණ්ඩව පවත්වාගෙන යාමට අවශ්ය ක්රියාමාර්ග ගැනීම කෙරෙහි බවද ජයතිස්ස මහතා අවධාරණය කළේය
කෙසේ වෙතත් පවතින තත්වය යටතේ ප්රමුඛත්වය දෙන්නේ මිල ඉහල යාමට වඩා හිගයකින් තොරව අඛණ්ඩව බලශක්තිය ලබා දීමට බවත් ඒ මහතා තව දුරටත් කියා සිටියේය.
