සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
- රන්ජිත් ආනන්ද ජයසිංහ
විදුලි බල සහ බලශක්ති ඇමති කුමාර ජයකොඩි කැබිනට් මණ්ඩලයෙන් ඉවත් කිරීමට ජනාධිපතිවරයා තීරණය කර ඇති බව ජනාධිපති කාර්යාලිය විශ්වාස කටයුතු ආරංචි මාර්ග කියයි.
ඒ අනුව ඔහු තනතුරෙන් ඉවත් කිරීමට පෙර කැමති නම් ඉල්ලා අස්වන ලෙස අද දින ජනාධිපතිවරයා විසින් දැණුමිදි ඇතැයි ද වාර්තාවේ
එයට ප්රධාන හේතුව වන්නේ රජය විසින් දැවැන්ත ගල් අගුරු වංචාවක් සිදුකරන ලද බවත් ඊට විෂය භාර ඇමැතිවරයා ලෙස කුමාර ජයකොඩි අමාත්යවරයා වගකිව යුතු බවටත් විපක්ෂය විසින් දිගින් දිගටම චෝදනා එල්ල කිරීමයි. අවසානයේ ඔහුට එරෙහිව විපක්ෂය විසින් විශ්වාසභංග යෝජනාවක්ද ඉදිරිපත් කරනු ලැබීය. එය ලබන සතියේ පාර්ලිමේන්තුවේදී විවාදයට ගැනීමට නියමිතව ඇත.
මේ සම්බන්ධව පැලවත්ත පක්ෂ කාර්යාලයේදී පසුගියදා පැවැති පක්ෂ ප්රධානීන්ගේ රැස්වීමි දෙකකදි යෝජනා කර ඇත්තේ ආණ්ඩුවේ නිර්මල භාවය ආරක්ෂා කරගැනීම සඳහා ඇමතිවරයා සම්බන්ධව පියවරක් ගත යුතු බවටයි.. ඒ සඳහා පක්ෂයේ ප්රධාන පෙලේ ඇමැතිවරුන් ගණනාවක් යෝජනා කලේ අමාත්ය ජයකොඩි තනතුරින් ඉවත් කළ යුතු බවය.
මුලින්ම මේ සම්බන්ධව තීරණයක් ගැනීම කල් දැමු ජනාධිපතිවරයා අද දින ආණ්ඩු පක්ෂයේ ප්රධානින් සමග පැවැත්වු විශේෂ රැස්වීමකින් පසුව අදාළ තීරණය ඇමති ජයකොඩි වෙත දැනුම්දී ඇත. ගල්අඟුරු වංචා චෝදනාවට අමතරව කුමාර ජයකොඩි විසින් ඔහු අමාත්යධුරයට පත්වීමට පෙර සිදු කරන ලද දූෂිත ගනුදෙනුවක් නිසා ඔහුට එරෙහිව මහාධිකරණයේ අධි චෝදනා මත නඩු පැවරීමද ජනාධිපතිවරයාගේ තීන්දුවට බලපා ඇති බව සඳහන් වෙයි .
Lankalokaya
