සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
භාණ්ඩ ආනයනය කරන මුවාවෙන් ව්යාජ සමාගම් හරහා ඩොලර් මිලියන 42.7ක් සහ තවත් ඩොලර් මිලියන 43ක් රටින් පිටකර ඇතැයි මහජන ආරක්ෂක අමාත්ය ආනන්ද විජේපාල පවසයි.
මේ ආකාරයට ඩොලර් රටින් පිට කළද කිසිදු භාණ්ඩයක් ඔවුන් මෙතෙක් රටට ගෙන්වා නැතැයි ඇමතිවරයා අනාවරණය කරයි.
එම ගිණුම්වල ඉතිරි වී තිබූ කෝටි පහක පමණ මුදලක් මේ වන විට තහනම් කර ඇතැයිද ඇමති ආනන්ද විජේපාල ප්රකාශ කරයි.
2023 වසරේ සිට මේ ආකාරයටම ක්රියාත්මක වූ තවත් ජාවාරමකින් විශාල මුදලක් රටින් පිටකර ඇති බවද හෙතෙම පෙන්වා දෙයි.
මේ සඳහා දේශීය සමාගම් 105ක් සම්බන්ධ වී ඇති බවත් ඒ සියල්ල පුද්ගලයන් 55 දෙනෙකු විසින් මෙහෙයවා ඇති බවත් ඇමති ආනන්ද විජේපාල සඳහන් කරයි.
මෙම ඇතැම් ගනුදෙනු එකම දවසේ සිදුව ඇති බවත් නිලධාරීන්ගේ රාජකාරී වගවීම පිළිබඳ ගැටලුවක් මතුව ඇති බවත් ඇමතිවරයා වැඩි දුරටත් අවධාරණය කරයි.
ඇමති ආනන්ද විජේපාල අද (09) පාර්ලිමේන්තුව අමතමින් මේ බව කීය.
