බන්ධනාගාර ගැටුම දරුණුයි.. පහක් මරුට.. වෙඩි පත්තු වේ..

 

සම්පූර්ණ පුවත කියවන්න පහත "පුවත කියවන්න" බොත්තම ඔබන්න..

මීගමුව බන්ධනාගාරය තුළ අද (06) පෙරවරුවේ හටගත් නොසන්සුන්කාරී තත්ත්වයක් මත බන්ධනාගාර නිලධාරීන් තිදෙනෙකු ඇතුළු පස් දෙනෙකු ජීවිතක්ෂයට පත්ව තිබේ.

ඊයේ (05) ආරම්භ වූ ගැටුම්වල වර්ධනයක් ලෙස අද උදෑසන බන්ධනාගාර නිලධාරීන් සහ රැඳවියන් පිරිසක් අතර මෙම ගැටුම හටගෙන ඇති බව පොලිසිය පවසයි.

මීගමුව රෝහල් අධ්‍යක්ෂවරයා තහවුරු කළේ අද දින මියගිය තිදෙනෙකුම ආරක්ෂක නිලධාරීන් බවයි. ගැටුමෙන් තුවාල ලැබූ තවත් 60 දෙනෙකු පමණ මේ වන විට මීගමුව රෝහලට ඇතුළත් කර ඇති අතර, ඉන් බහුතරයක් ආරක්ෂක අංශ නිලධාරීන් වීම විශේෂත්වයකි.

බන්ධනාගාරය තුළ රැඳවියන් නිලධාරීන් ඉලක්ක කර ගනිමින් ප්‍රහාර එල්ල කර ඇති බව වාර්තා වේ.

නොසන්සුන්තාව පාලනය කිරීම සඳහා ආරක්ෂක අංශවලට වෙඩි ප්‍රහාර කිහිපයක් එල්ල කිරීමට සිදු වූ බව උසස් පොලිස් නිලධාරියෙක් සඳහන් කළේය.

තත්ත්වය බරපතළ වීම හේතුවෙන් මීගමුව පොලිසියට අමතරව මීරිගම සහ වේයන්ගොඩ ඇතුළු අවට පොලිස් ස්ථානවලින් අතිරේක කණ්ඩායම් කැඳවා ඇති අතර, පොලිස් විශේෂ කාර්ය බලකාය ද බන්ධනාගාරයේ ආරක්ෂාව තහවුරු කිරීම සඳහා අනුයුක්ත කර තිබේ.

මීගමුව බන්ධනාගාරයේ රිමාන්ඩ් භාරයේ පසුවන රැඳවියන් සහ දඬුවම් ලැබූ රැඳවියන් අතර ඊයේ (05) පස්වරු 1.00ට පමණ ආරම්භ වූ ගැටුමෙන් ද රැඳවියන් දෙදෙනෙකු මියගොස් 38 දෙනෙකු තුවාල ලැබූහ.

අද උදෑසන වන විට තත්ත්වය පාලනය කර ඇති බව වාර්තා වුවද, පෙරවරු කාලයේදී රැඳවියන් සහ නිලධාරීන් අතර යළිත් ගැටුම් ඇවිළී ගියේය. ඒ අනුව ගත වූ පැය 24 තුළ මෙම බන්ධනාගාර ගැටුම් හේතුවෙන් මියගිය සමස්ත සංඛ්‍යාව 7ක් දක්වා ඉහළ ගොස් තිබේ.

මේ වන විට බන්ධනාගාරය අවට ප්‍රදේශයේ දැඩි ආරක්ෂාවක් යොදවා ඇති අතර, සිද්ධිය සම්බන්ධයෙන් බන්ධනාගාර දෙපාර්තමේන්තුව සහ පොලිසිය මගින් පුළුල් විමර්ශනයක් ආරම්භ කර ඇත.