රෝග ලක්ෂණ පෙන්නුම් කිරීමටත් පෙර නව කොරෝනා වෛරසය පුද්ගලයෙකුගෙන් තවත් පුද්ගලයෙකුට ආසාධනය විය හැකි බවයි චීනය පවසන්නේ.
ඒ අනුව සෙම්ප්‍රතිශ්‍යාව, කැස්ස හෝ උණ වැනි රෝග ලක්ෂණ මතුවී එම පුද්ගලයා ආරක්ෂිත ක්‍රම අනුගමනය කිරීමටත් පෙර තවත් පුද්ගලයෙකුට එම වෛරසය ආසාධනය විය හැකි බවයි චීන සෞඛ්‍ය අමාත්‍ය මා ෂියා ඕවේ නිවේදනය කර තිබෙන්නේ.
මේ අතර චීනයේ බීජිං, ෂැංහයි හා ෂැන්ඩොන් නගරවල සිදුකරන දුර ගමන් සේවා බස්රථ ධාවනය අද සිට අත්හිටුවීමට බලධාරීන් තීරණය කර ඇති අතර පවතින තත්ත්වය හමුවේ පෙර පාසල් මෙන්ම පාසල් රැසක් ද වසා දමා ඇතැයි විදෙස් මාධ්‍යය සඳහන් කරන්නේ.
මේ අතර නව කොරෝනා වෛසරය ආසාධනය වූ 05 වන අමෙරිකානු පුරවැසියා ඊයේ (26) හමුවී තිබුණා.
ඔහු ඇරිසෝනා ප්‍රාන්ත වැසියෙක්. වෛසරය පැතිරීම පාලනය කිරීමට අවශ්‍ය කටයුතු සම්පාදනය කර ඇති බැවින් අනිසි බියක් ඇති කර නොගන්නා ලෙසත්, සෞඛ්‍යාරක්ෂිත ක්‍රම අනුගමනය කරන ලෙසත් අමෙරිකානු බලධාරීන් සිය වැසියන්ට උපදෙස් ලබාදුන්නා.
