චීනයේ වුහාන් සිට මෙරටට පැමිණ දියතලාවේ රදවා සිටින ශි‍්‍රලාංකයින් 33 දෙනාගෙන් ඊයේ (5) දිනය වනතෙක් ම කෙරෝනා වෛරසයේ කිසිදු රෝගී ලක්ෂණයක් පහළ වී නොමැති බව හමුදා මාධ්‍ය ප‍්‍රකාශක බි‍්‍රගේඩියර් චන්දන වික‍්‍රමසිංහ මහතා පැවසුවා.
මෙම පිරිසගේ ශරීර උෂ්ණත්වය විශේෂඥ වෛද්‍ය ශවේන් සේමගේ මහතාගේ අධීක්ෂණයේ යටතේ පෙරවරු 8.00, පස්වරු 2.00 හා රාති‍්‍ර 8.00 වශයෙන් දිනකට තෙවරක් පරීක්ෂාවට ලක්කරන බවද හමුදා ප‍්‍රකාශකවරයා සඳහන් කළා.
මෙම විෂබීජය කිසිවකුට හෝ ශරීර ගතව තිබුණ හොත් එය පැතිර යනු ඇති බවට ඇති සැකය අනුව මෙම පිරිස එකිනෙකාට හමුනොවන ලෙස වෙන් වෙන් වශයෙන් කාමර වල රඳවා සිටින බවද හමුදා ප‍්‍රකාශවරයා කියා සිටියා.
ඔවුගේ ශරීර උෂ්ණත්වයන් පවා කාර්ය මණ්ඩලය වෙත ලබා දෙන්න එස් .එම් .එස් මාර්ගයේ බවද හමුදා ප‍්‍රකාශවරයා කියා සිටියා.
මෙම සියලූ දෙනා උපරිම පහසුකම් සහිතව රඳවා සිටින බවත් වෙනත් පාර්ශව සමඟ සම්බන්ධකම් පැවැත්වීමට අවශ්‍ය අන්තර්ජාල පහසුකම් පවා ලබා දී ඇති බවද හමුදා ප‍්‍රකාශකවරයා වැඩිදුරටත් පැවසුවා.
හමුදා ප‍්‍රකාශ බි‍්‍රගේඩියර් චන්දන වික‍්‍රමසිංහ මහතා මේ බව සඳහන් කළේ ඊයේ කොල්ලූපිටිය මාධ්‍ය මධ්‍යස්ථානයේ පැවති මාධ්‍ය හමුවකදීයී
