කොවිඩ් 19 වෛරසය හේතුවෙන් ලොවපුරා සිදු වූ මරණ ප්‍රමාණය 40,000 ඉක්මවා තිබෙනවා. ඒ අනුව මේ වනවිට වාර්තා වන සමස්ත මරණ ප්‍රමාණය 40,639 කි.
ඉන් වැඩිම මරණ ප්‍රමාණයක් ඉතාලියෙන් වාර්තා වේ. අවසන් පැය 24 තුළ ඉතාලියේ සිදු වූ මරණ 837 ද සමගින් එරටින් වාර්තා වන සමස්ත මරණ ප්‍රමාණය 12,428 කි. මීට අමතරව ස්පාඤ්ඤයෙන් මරණ 8269 ක් වාර්තා වේ. ඒ අවසන් පැය 24 තුළ එරටින් වාර්තා වූ මරණ 553 ද සමගිනි.
මීට අමතරව ඇමරිකා එක්සත් ජනපදය තුළ මෙතෙක් මරණ 3408 ක් සිදුව ඇති අතර ප්‍රංශයෙන් 3024 ක්, ඉරානයෙන් 2898 ක්, එක්සත් රාජධානියෙන් 1789 ක්, නෙදර්ලන්තයෙන් 1039 ක් ලෙස මරණ වාර්තා වේ.
මෙතෙක් ලොවපුරා කොවිඩ් 19 වෛරසය ආසාදනය වූවන්ගේ ප්‍රමාණය 823,284 ක් වන අතර ඉන් 174,333 ක් පූර්ණ සුවය ලබා තිබේ. තවත් 577,444 ක් ප්‍රතිකාර ලබමින් සිටී. ඔවුන්ගෙන් 30,868 ක් බරපතල අසාධ්‍ය තත්වයේ පසුවේ.
මේ වනවිට ගෝලීය ජනගහනයෙන් මිලියනයකට ආසාදිතයන් 106 දෙනෙකු වාර්තා වන අතර මිලියනයකට පුද්ගලයන් 05 දෙනෙකු මියගොස් තිබේ.
ලොවපුරා රටවල් 201 ක් දක්වා වෛරසය ව්‍යාප්ත වී ඇති අතර එම රටවලින් බහුතරයක එක් පුද්ගලයෙකු හෝ වෛරසය හේතුවෙන් මියගොස් තිබේ.
