කොරෝනා ආසාදිතයන් හඳුනාගත් බේරුවල ඉහළ අවදානම් කලාපය තුළ ගම්මාන හතක් හුදෙකලා කලාප ලෙස මේ වන විට නම්කර තිබෙනවා.
ඒ අතර චීන කොටුව, පන්නිල / කරඳගොඩ / කංකානම්ගොඩ / වලතර / අඹේපිටිය සහ අක්කරගොඩ යන ග්‍රාම නිලධාරී වසම් තුළ පදිංචි පුද්ගලයන් 11 දහස් 293 දෙනෙකු එම ගම්මාන තුල ස්වයං නිරෝධායනයට ලක්කර ඇතැයි බේරුවල ප්‍රාදේශීය ලේකම් චතුර මල්රාජ් මහතා සඳහන් කළා.
එම ගම්මාන තුළට ඇතුල්වීමට සහ පිටවීමට අවසර ඇත්තේ ආරක්ෂක, සෞඛ්‍යය යන අංශ වලට පමණයි.
එම ගම්මාන වෙත පිවිසෙන සියලු මාර්ග අවහිර වන ලෙස යුද හමුදාව සහ පොලීසිය යොදවා තිබෙනවා.
බේරුවල ප්‍රාදේශීය ලේකම් කාර්යාල බල ප්‍රදේශයෙන් පමණක් මේ වන විට කොරෝනා ආසාදිතයන් 35 දෙනකු වාර්තා ඇතැයිද ප්‍රාදේශීය ලේකම්වරයා සඳහන් කළා.
