මහජන සෞඛ්‍ය පරීක්ෂකයකු ලෙස පෙනී සිට නිරෝධායන නිවෙස්වලට ගිය අයෙක් වඳුරඹ පොලිසිය අත්අඩංගුවට ගෙන තිබෙනවා. පොලිසිය පවසන්නේ මෙම පුද්ගලයා ස්වයං නිරෝධායනය වෙමින් සිටින නිවාස පහකට ගොස් උපදෙස් ලබාදී ඇති බවයි .
සැකකරු අත්දිග සුදු කමිසයකින් හා දුඹුරු පැහැති කලිසමකින් සැරසි ගොස් ඇති අතර ප්‍රදේශයේ මහජන සෞඛ්‍ය පරික්ෂකවරයා තමන් බවත් අසනිප තත්වයක් තිබෙනවා නම් තමන්ට දැනුම් දෙන ලෙස කාන්තාවට ඔහුගේ දුරකථනය අංකය ලබාදි ඇති බවත් අනාවරණ වී තිබෙනවා. පසුව මොහු ප්‍රදේශයේ ග්‍රාම නිලධාරිවරයාටද දුරකථනයෙන් කථාකොට ස්වයං නිරෝධායනයට ලක්වන පුද්ගලයින් සොයා නොලැබිම පිළිබද දොස් පවරා ඇති බවද පොලිසිය පවසනවා .
මෙම සැකකරු අම්බලන්ගොඩ පොල්වත්ත ප්‍රදේශයේ පිහිටි සෞඛ්‍ය වෛද්‍යනිලධාරි කාර්යාලයකට අනුයුක්තව සේවය කරණ දුම්මැෂින් යන්ත්‍රි ක්‍රියාකරුවෙකු බව පොලිසිය පවසන්නේ .
