2020.04.20 දින දුම්රිය ධාවනය සිදුවන්නේ පහත පරිදි වේ.
මහනුවර – පොල්ගහවෙල මහව සන්ධිය – පොල්ගහවෙල බෙලිඅත්ත – ඉඳුරුව ගාල්ල – ඉඳුරුව
මෙම දුම්රියන් 4 ම උදෑසන 06.00 ට ගමන් ආරම්භ වේ.
සවස නැවත පිටත් වෙන වෙලාව පසුව බලාපොරොත්තු වන්න.
2020.04.20 / 21 දින ප්‍රවේශපත්‍ර නිකුත් කිරීමකින් තොරව නොමිලේ දුම්රිය මගීන්ට ගමන් කිරීමට අවස්ථාව දී ඇති බව දුම්රිය සාමාන්‍යාධිකාරිවරයා විසින් දැනුම් දී ඇත. තවද මාර්තු මස මිලදීගත් වාර ප්‍රවේශපත් අප්‍රේල් මස සඳහාද වලංගු කර ඇත.
රටේ සෞඛ්‍ය අංශවල තීරණ හා දැනුම්දීම් මත අදාල හදිසි තීරණ මෙලෙස ක්‍රියාත්මක වන බව කරුණාවෙන් සලකන්න.
විශේෂ නිවේදනයයි 
දුම්රිය ස්ථානයට පැමිණෙන මගීන්, දුම්රිය වේදිකාවේ රැඳී සිටීමේදී හා දුම්රිය මැදිරි තුළදී මීටරයක් දුර පවත්වා ගත යුතුය. දුම්රිය මැදිරියක එකවර ගමන් කළ හැක්කේ මගීන් 50 කට පමණක් වන අතර සියලු දෙනා මුඛ ආවරණ පැළඳීම අනිවාර්යයි. දුම්රිය ස්ථාන පරිශ්‍රයේ, දුම්රිය මැදිරි හා දුම්රිය මාර්ගයට කෙල ගැසීම සම්පුර්ණයෙන්ම තහනම්. කැස්ස, උණ, සෙම්ප්‍රතිශ්‍යාව ඇති පුද්ගලයෙක් නම් දුම්රිය සේවය භාවිතා නොකරන්න. දුම්රිය මැදිරි හා පරිශ්‍රය තුළ සිඟමන් යැදීම හා අනවසර වෙළඳාම් කිරීම සම්පූර්ණයෙන්ම තහනම්.
මෙම තීරණාත්මක අවස්ථාවේ මෙම උපදෙස් තරයේ ක්‍රියාත්මක කරමින් සේවාවන් පවත්වාගෙන යාම සඳහා මගී ජනතාවගේ සහයෝගය අපේක්ෂා කරන්නෙමු !
