කොරෝනා වෛරස් ව්‍යාප්ති තත්වය මත සමස්ත රටම හුදෙකලා කිරීමේ අවශ්‍යතාවයක් මෙතෙක් උද්ගත වී නොමැති බව සෞඛ්‍ය සේවා අධ්‍යක්ෂ ජනරාල්, වෛද්‍ය අසේල ගුණවර්ධන මහතා පවසයි.
"බහුතරයක්ම අපට මේ පොකුරු ආශ්‍රිතව පළවෙනි පෙල, දෙවැනි පෙල ආසාදිතයින් තමයි සිටින්නේ. බ්‍රැන්ඩික්ස් සහ පෑලියගොඩ මත්ස්‍ය වෙළඳපොලට නැතුව වාර්තා වෙන ආසාදිතයින් පැතිරෙන තත්වයක් අපට තවම උද්ගත වෙලා නෑ.
ඒ නිසා දැනටත් සෞඛ්‍ය අංශ වලින් නම් මේක ලොක්ඩවුන් කරන්න අපේ නිර්දේශයක් නෑ. ඒ ඒ රෝගීන් වාර්තා වෙන ප්‍රදේශ අනුව, ඒ රෝගීන් වාර්තා වීම වැඩියි නම් ඒ ඒ ප්‍රදේශ වල සංචරණය සීමා කරන්න අපි නිරෝධායන ඇඳිරි නීතිය පැනවීමට නිර්දේශ ලබාදෙනවා" යනුවෙනුයි ඒ මහතා සඳහන් කළේ.
සෞඛ්‍ය සේවා අධ්‍යක්ෂ ජනරාල්වරයා මේ බව පැවසුවේ ඊයේ (31) මාධ්‍ය වෙත ප්‍රකාශයක් ලබාදෙමිනි.
