කොරෝනා වසංගතයෙන් හලාවත ජනතාව බේරා ගැනීමේ අරමුණින් අද (21) උදෑසන සිට සතියක කාලයකට හලාවත පොදු මාළු වෙළඳපල වසා දමා තිබෙනවා.
හලාවත නගර සභාව, පොලිසිය සෞඛ්‍ය වෛද්‍ය නිලධාරි කාර්යාලය හා මහජන සෞඛ්‍ය පරීක්ෂක වරුන්ගේ සහභාගීත්වයෙන් පැවැති රැස්වීමකදී මෙසේ මෙම මාළු වෙළඳපොළ වසා දැමීමට තීරණය වුණා.
වෙළඳපලට කිසිවකුටත් ඇතුළු විය නොහැකි ලෙසින් පොලිසිය මුර සේවාවක් යොදා තිබුණත් ඇතැම් මත්ස්‍ය ව්‍යාපාරිකයින් වෙළඳපොළ තුළ සිටිමින් මාළු අලෙවි කරනු දැකගත හැකි වූ බවයි අප වාර්තාකරු පැවසුවේ.
