පැණියක් හෝ කිසිඳු එන්නතක් මෙපමණ කාලයකට නිෂ්පාදනය නොකළ වෛද්‍යවරු එක්තරා පුද්ගලයකු සාදපු පැණියකට පහර දෙන බව රාජ්‍ය අමාත්‍ය දයාසිරි ජයසේකර පවසයි.
ඕනෑම පුද්ගලයකුට නව නිපැයුම් කළහැකි බව පවසන රාජ්‍ය අමාත්‍යවරයා සඳහන් කරන්නේ පැණියට එරෙහි වන වෛද්‍යවරු පවසන පරිදි එම පැණිය ගුණාත්මක බාවයෙන් තොරනම් ගුණාත්මක ඖෂධයක් ඔවුන් සඳහන් කළහොත් එය භාවිතා කළහැකි බවයි.
වැඩිදුර අදහස් දැක්වූ දයාසිරි ජයසේකර මහතා කියා සිටියේ පාර්ලිමේන්තු මන්ත්‍රීවරු සියල්ලම පැණි බී සිටින බව ජනතාව සිතන බවත් කතානායකවරයාට එම පැණිය ලබාදුන් අවස්ථාවේ ඒ අවට සිටි මන්ත්‍රීවරුන් කිහිපදෙනෙකුට පමණක් එය ලබාදුන් බවත් සියල්ලටම එය නොලැබුන බවයි.
