ඊයේ දිනයේ (28) මෙරටින් කොවිඩ් – 19 ආසාදිත පුද්ගලයින් 892 දෙනෙකු හඳුනාගෙන තිබෙනවා.
එම ආසාදිතයින් අතරින් 40 දෙනෙකු විදේශගතව සිට මෙරටට පැමිණි ලාංකිකයින් අතරින් හඳුනා ගත් බවයි කොවිඩ් – 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පැවසුවේ.
ඉතිරි ආසාදිතයින් 852 දෙනා හඳුනා ගෙන ඇත්තේ, දේශීයවයි.
හඳුනාගත් ආසාදිතයින් අතරින් වැඩිම පිරිස කොළඹ දිස්ත්‍රික්කයෙන් වාර්තා වන අතර එම සංඛ්‍යාව 298 ක්.
ඊට අමතරව ගම්පහ දිස්ත්‍රික්කයෙන් ආසාදිතයින් 203 ක් සහ කළුතර දිස්ත්‍රික්කයෙන් ආසාදිතයින් 42 ක් ලෙස වාර්තා වී තිබෙනවා.
