දැඩි සංචාරණ සීමා සති දෙකක කාලයක් ක්‍රියාත්මක කිරීමෙන් පසු කොරෝනා ආසාදිතයන් වාර්තා වීම සැලකිය යුතු ලෙස අඩු කර ගැනීමට හැකියාව ඇතැයි ශ්‍රී ලංකා වෛද්‍ය සංගමයේ සභාපතිනී වෛද්‍ය පද්මා ගුණරත්න මහත්මිය පවසයි.
මෙම කාල සීමාවේදීද ජනතාව හැකි තරම් නිවෙස් වලට වී සිටිමින් සෞඛ්‍ය මාර්ගෝපදේශ අනුගමනය කරමින් සෞඛ්‍ය අංශවලට සහාය දිය යුතු යයිද ඇය සඳහන් කළාය.
දැඩි සීමා පනවා ඇති සති දෙක කාලයෙන් පසුව ලැබෙන දත්ත විශ්ලේෂණය කිරීමෙන් පසු ඉදිරි පියවර තීරණය කළ හැකි බවද ඇය පවසයි.
ආසාදිතයන් වාර්තාවීම සැලකිය යුතු ලෙස අඩුවී රෝහල්වල ධාරිතාවට ඔරොත්තු දිය හැකි තත්ත්වයට පත්වීමෙන් පසු නැවතත් රටේ ඉදිරි කටයුතු කරගැනීමට හැකි වනු ඇතැයිද ඇය කියා සිටියාය.
