Type Here to Get Search Results !

රට නොදන්න මහාරාජා රටට දුන්නු මහගු තෑග්ග! අවුරුදු 37කට පසු අර්ජුන හෙළිකරයි!


කැපිටල් මහාරාජා සමූහ ව්‍යාපාරයේ සභාපති රාජා ‌මහේන්ද්‍රන් මහතා සම්බන්ධයෙන් අර්ජුන රණතුංග මහතාගේ අතීතාවර්ජනයක් ‌පිළිබදව මේ වනවිට සමාජ මාධ්‍ය ජාලාවල විශේෂ අවධානයක් යොමුව තිබේ.

ඒ, මීට අවුරුදු 37කට පෙර එංගලන්ත සංචාරයක් අතර සිදුවූ සිදුවීමක් පිළිබදවය.

එහිදී රාජා ‌මහේන්ද්‍රන් මහතා කණ්ඩායමේ සියලුම සාමාජිකයන්ට ඔහුගේ ලන්ඩනයේ පිහිටි මහල් නිවාසයේ නවාතැන් දීමට පියවර ගෙන ඇත.

එමෙන්ම තරගයේදී ලකුණු 100ක් ලබා ගන්නා සෑම ක්‍රීඩකයෙක්ටම සිය පෞද්ගලික මුදලින් පවුම් 1000ක මුදලක් ලබා දෙන බවද රාජා ‌මහේන්ද්‍රන් මහතා තරගයට පෙර ප්‍රකාශ කර ඇත.

ඒ අනුව සිදත් වෙත්තමුණි, අමල් සිල්වා සහා දුලිප් මෙන්ඩිස් ශතක වාර්තා කර තිබේ. අර්ජුනට ලබා ගත හැකි වී ඇත්තේ ලකුණු 84ක් පමණි.

ඒ සම්බන්ධයෙන් අර්ජුනටත් වඩා කනගාටුවට පත්ව ඇත්තේ රාජා ‌මහේන්ද්‍රන් මහතාය.

මන්ද යත් අර්ජුන නැමැති තරුණ ක්‍රීඩකයාගේ දක්ෂතා ඒ වනවිටත් රාජා ‌මහේන්ද්‍රන් මහතා හදුනාගෙන සිටීම හේතුවෙනි.

ඒ අනුව පොරොන්දු වූ පරිදි සිදත්ටත්, දුලිප්ටත්, අමල්ටත් පවුම් 1000 බැගින් දී ඇති රාජා ‌මහේන්ද්‍රන් මහතා කුඩා අර්ජුනට පවුම් 2000ක ත්‍යාගයක් ලබා දීමට පියවර ගෙන ඇත.

රාජා ‌මහේන්ද්‍රන් මහතා සහ අර්ජුන අතර එදා ආරම්භ වූ මේ හිතවත්කම රාජා ‌මහේන්ද්‍රන් මහතා මියයන තෙක්ම පැවැති බව අර්ජුන සදහන් කොට ඇත.


 

Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Ads