අල්ලස් කොමිසම පැවරූ නඩුවෙන්, මේජර් ජෙනරාල් (විශ්‍රාමික) පාලිත ප්‍රනාන්දු සහ ඇවන්ට් ගාඩ් සභාපති නිශ්ශංක සේනාධිපති නිදහස් කිරීමට කොළඹ මහාධිකරණයෙන් නියෝග කර තිබෙනවා.
රුපියල් ලක්ෂ 355ක මුදලක් අල්ලස් වශයෙන් දීම සහ ලබාගැනීම සම්බන්ධයෙන් ඔවුන් දෙදෙනාට චෝදනා එල්ල වී තිබුණා.
එම නඩුව කොළඹ මහාධිකරණ විනිසුරු අමල් රණරාජා මහතා ඉදිරියේ කැඳවනු ලැබූ අවස්ථාවේදී එම නියෝගය නිකුත්කර තිබෙනවා.
අභියාචනාධිකරණය හමුවේ ඔවුන් ඉදිරිපත් කළ ප්‍රතිශෝධන පෙත්සම පසුගිය 15 වනදා කැඳවනු ලැබූ අවස්ථාවේදී අල්ලස් කොමිසම විසින් මෙම නඩුව ඉල්ලා අස්කර ගන්නා බව දැනුම් දී තිබුණා.
මෙහිදී අල්ලස් කොමිසම වෙනුවෙන් පෙනීසිටි එහි සහකාර අධ්‍යක්ෂ ජනරාල් තුෂාරි ජයරත්න මහත්මිය අධිකරණය හමුවේ කරුණු දක්වමින් මෙම විත්තිකරුවන්ට නැවත නඩු පැවරීමේ අයිතිය රඳවාගනිමින් එම අධිචෝදනා පත්‍රය ඉල්ලා අස්කරගන්නා ලෙස අල්ලස් කොමිසමෙන් තමන්ට උපදෙස් ලැබී ඇතැයි සඳහන් කළා.
