මේ දිනවල හඳුනාගන්නා කොරෝනා ආසාදිතයන් වැඩි පිරිසකට ඔක්සිජන් ලබාදීමේ ප්‍රවණතාවය ඉහළගොස් තිබේ.
සෞඛ්‍ය අමාත්‍යාංශයේ මාධ්‍ය ප්‍රකාශක වෛද්‍ය හේමන්ත හේරත් මහතා සඳහන් කරන්නේ අද වන විට රෝහල් කිහිපයකම කොරෝනා ආසාධිතයන් ඉහළ ගොස් සැලසුම් කර තිබූ රෝහල් ඉඩකඩ බොහෝ දුරට සම්පූර්ණ විය ඇති බවයි.
එමෙන්ම මේ දිනවල හමුවුණ ආසාදිතයන් ගෙන් වැඩි ප්‍රමාණයකට රෝග ලක්ෂණ බොහොමයක් පෙන්නුම් කරන බවද ඔහු පැවසීය.
කොළඹ දිස්ත්‍රික්කයේ නියැදිවලින් සියයට විස්සත් තිහත් අතර ප්‍රතිශතයකින් ඩෙල්ටා ප්රභේදය ආසාදිතයන් හමුවන බවත් රටපුරා සෙසු ප්‍රදේශවලද ඩෙල්ටා ප්රභේදය අඩු වැඩි ලෙස ව්‍යාප්ත වී ඇති බවද ඔහු කියා සිටී.
