කොවිඩ් වසංගතයේ පැතිරීයාම වළක්වා ගැනීමට නම් ස්වයං විනයක් සහිතව ස්වයං සංචරණ සීමා පනවා ගනිමින් නිවසට වී සිටින ලෙස මහජන සෞඛ්‍ය පරීක්ෂකවරුන්ගේ සංගමය මහජනතාවගෙන් ඉල්ලීමක් සිදු කරනවා.
මේ සම්බන්ධව කරුණු දක්වමින් එම සංගමයේ සභාපති උපුල් රෝහණ මහතා ප්‍රකාශ කළේ අත්‍යවශ්‍ය බඩු බාහිරාදිය රැස්කරගෙන නිවෙස්වලට වී සිටින ලෙසයි.
පවතින තත්ත්වය අනුව රජය විසින් සංචරණ සීමා පැනවීම සිදු නොකරන බවත් එයට කිසිදු බල කිරීමක් තම සංගමය විසින් සිදු නොකරන බවත් ඔහු මෙහිදී සඳහන් කළා.
