පළාත් සංචරණ සීමා යළි සක්‍රිය කිරීමත් සමඟ පොදු ප්‍රවාහන සේවා කටයුතු සීමා කර තිබෙනවා.
ඒ අනුව, පෞද්ගලික බස්රථ අන්තර් පළාත් ධාවනය අත්‍යාවශ්‍ය අවස්ථාවන්හිදී පමණක් සිදු කරනු ඇති.
පළාත් තුළ බස් රථ ධාවනය ද සමස්ත ධාවනයෙන් සියයට 40 ක් දක්වා අඩු කර තිබෙන බවයි වාර්තා වන්නේ.
ලංකා ගමනාගමන මණ්ඩලයට අයත් බස් රථ ද අන්තර් පළාත් ධාවනය අත්‍යාවශ්‍ය සේවා සඳහා පමණක් සීමා කළ බවයි එහි සභාපති නීතිඥ කිංස්ලි රණවක මහතා සඳහන් කළේ.
පළාත් අතර දුම්රිය ධාවනය සිදු වුව ද එහි ගමන් කළ හැක්කේ රාජකාරි කටයුතු සඳහා පැමිණෙන සේවකයින්ට පමණයි.
එහිදී ඔවුන් සිය අනන්‍යතාව තහවුරු කළ යුතු බවද දුම්රිය සාමාන්‍යාධිකාරි ධම්මික ජයසුන්දර මහතා ප්‍රකාශ කළා.
