ලංකා ඛනිජ තෙල් නීතිගත සංස්ථාවේ හිමිකාරිත්වය යටතේ නව ගෑස් සමාගමක් ආරම්භ කිරීමට සූදානම් වෙමින් තිබේ.
මෙම වසර අවසානයට පෙර ‘ලංකා ගෑස්’ නමින් මෙම ගෘහස්ථ ගෑස් සිලින්ඩර වෙළෙඳ පොළට නිකුත් කිරීමට බලශක්ති අමාත්‍යාංශය බලාපොරොත්තු වෙයි.
ලංකා ඛනිජ තෙල් නීතිගත සංස්ථාව සමග අනුබද්ධ ව ආරම්භ කරන නව සමාගමක් මගින් පාරිභෝගිකයාට වාසිදායක ලෙස සහ වඩා තරගකාරී ලෙස ගෑස් අලෙවි කිරීමට අමාත්‍යාංශය බලාපොරොත්තු වෙයි.
තෙල් සංස්ථාව විසින් තෙල් පිරිපහදුවේදී අතුරු ඵලයක් ලෙස නිපදවෙන එල්පී ගෑස් මෙරට ගෑස් අවශ්‍යතාවෙන් සියයට පහක් පමණ සපුරාලන අතර ඒවා ලිත්‍රො සහ ලාෆ් ගෑස් සමාගම් වෙත ලබා දෙමින් සිටියි.
සිපෙට්කෝ බලාපොරොත්තු වන්නේ මෙම ගෑස් ප්‍රමාණය භාවිතා කරමින් නව සමාගමක් ආරම්භ කිරීමටයි.
මෙම නව සමාගමේ කොටස් පෞද්ගලික ආයෝජකයන් වෙත ද විවෘත කිරීමට බලාපොරොත්තු වන අතර ඉදිරියේදී මෙරට ගෑස් අවශ්‍යතාවයෙන් 20%ක් පමණ සපුරා දීමට ද අපේක්ෂා කරයි.
