එළැඹෙන පළමුවෙනිදා සිට රට විවෘත කිරීමෙන් පසු රාජ්‍ය සේවකයන් සහ පෞද්ගලික අංශ සේවකයන් රාජකාරියට කැඳවීම සඳහා වේලාවන් දෙකක් යොදා ගැනීමට යෝජනා වී තිබේ.
රජයේ අංශයේ සේවකයන් පෙරවරු 9.00ට හා පෞද්ගලික අංශ සේවකයන් පෙරවරු 10.00ට සේවයට කැඳවීම සඳහා යෝජනා ඉදිරිපත් වී ඇත.
මුදල් ඇමති බැසිල් රාජපක්‍ෂ, කම්කරු ඇමති නිමල් සිරිපාල ද සිල්වා මහත්වරුන්ගේ ප්‍රධානත්වයෙන් පැවැති විශේෂ සාකච්ඡාවකදී මෙම යෝජනාව ඉදිරිපත්ව ඇත.
නමුත් මේ සම්බන්ධයෙන් මෙතෙක් අවසන් තීරණයකට එළඹ නැති අතර ඊට අදාලවකඩිනම් පියවර ගැනීමට නියමිතව තිබේ.
මෙම සාකච්ඡාව මුදල් අමාත්‍යාංශයේ දී පැවැත්වී ඇත.
රට විවෘත කිරීමෙන් පසු කටයුතු කරන ආකාරය ගැන සෞඛ්‍ය මාර්ගෝපදේශ සෞඛ්‍ය අමාත්‍යාංශය විසින් ඉක්මනින්ම නිකුත් කිරීමට නියමිතව තිබේ.
