බෙලිඅත්ත පොලිස් වසමේ පට්ටියවෙල, නිහළුව ප්‍රදේශයේ විහාරස්ථාන භූමියක දිරාගිය අත්බෝම්බ දෙකක් හමු වී ඇති බවට බෙලිඅත්තපොලිස් ස්ථානයට ලද පණිවිඩයක් අනුව විර්මශන කටයුතු ආරම්භ කර ඇත.
මෙම විහාරස්ථාන භූමියේ ළිඳ පිහිටි ප්‍රදේශය ට්‍රැක්ටර් රථයක් යොදා ගෙන ශුද්ධ පවිත්‍ර කරමින් සිටියදී යම් පිපිරීම් හඬක් ඇසීම හේතුවෙන් ඒ අවට සොයා බැලීමේදී පුපුරා නොගිය දිරාපත් වූ අත්බෝම්බ 02 ක් හමු වී ඇති බවට සිදු කරන ලද විර්මශනයේදී අනාවරණය වී ඇත.
මේ සම්බන්ධයෙන් බෙලිඅත්ත පොලිසිය මඟින් තංගල්ල ගරු මහේස්ත්‍රාත් අධිකරණයට කරුණු වාර්තා කර විශේෂ කාර්ය බලකා නිලධාරීන් කැඳවා මෙම ජීව අත්බෝම්බ දෙක නිෂ්ක්‍රීය කිරීමට කටයුතු කරන ලදි.
බෙලිඅත්ත පොලිසිය වැඩිදුර විර්මශන සිදු කරනු ලබයි.
