සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
මාදුරුඔය ජාතික වනෝද්‍යානයෙන් සම ගැලවූ ලංකාවට ආවේණීක කොටියෙක්ගේ ප්‍රාණය නිරුද්ධ සිරුර සිරුරක් හමුව ඇත.
පොළොන්නරුව මාදුරුඔය ජාතික වනෝද්‍යානයේ සැරිසරමින් සිටි කොටියෙකු මරා, සම ගලවා රැගෙන යමින් සිටි හේනානිගල ප්‍රදේශයේ ආදිවාසීන් දෙදෙනෙකු ඇතුළු තිදෙනෙකු අත්අඩංගුවට ගැනීමට යාමේදී ඇලකට පැන පලාගොස් ඇති බව හේනානිගල අඩවි ආරක්ෂක කාර්යාල සඳහන් කරනවා.
එම කොටියා දිගින් අඩි හයකින් පමණ යුක්තවන බවටයි වාර්තා වෙන්නේ.
පලාගිය සැකකරුවන් අත්අඩංගුවට ගැනීම සඳහා පුළුල් පරීක්ෂණ ආරම්භ කර ඇති බවයි හේනානිගල අඩවි ආරක්ෂකවරයා අප කළ විමසීමකදී පවසා ඇත්තේ.
මෙම සැකකරුවන් තිදෙනාම දුර්ලභ ගණයේ කොටියා මරා, සම ගලවා ගෙන ඒමේදී මාදුරුඔය කහපාලම ප්‍රදේශයේදී අත්අඩංගුවට ගැනීමෙන් අනතුරුව ඇලකට පැන පලා ගොස් ඇති බවයි හෙතෙම සඳහන් කළේ.
ගම්මානයෙන් පලා ගොස් ඇති සැකකරුවන් තිදෙනාගෙන් එක් අයෙකු යුද හමුදාවේ සේවය කර ඉවත් වූ අයකු බවට හඳුනාගෙන තිබෙන අතර, ඔවුන් අත්අඩංගුවට ගත් වහාම දෙහිඅත්තකන්ඩිය මහේස්ත්‍රාත් අධිකරණයට ඉදිරිපත් කිරීමට අවශ්‍ය කටයුතු සිදු කරන බවයි ඔහු පැවසුවේ.
මෙම කොටියා මරා ඇත්තේ වෙඩි තැබීමකින්ද නැතහොත් වෙනත් ආයුධයකින් පහරදීද නැද්ද යන්න පිළිබඳව පරීක්ෂණ සිදුකරන බවද හෙතෙම පවසා තිබෙනවා.
සැකකරුවන් අවුරුදු 30 - 40 පමණ වයසේ පසුවන අයවන බවත්, ඔවුන් හේනානිගල ප්‍රදේශයේ පදිංචිකරුවන්වන අතර, මේ වෙනවිට ඔවුන් එම ගම්මානයෙන්ද පලාගොස් ඇති බවයි සඳහන් වෙන්නේ.
