සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
ශ්රී ලංකන් ගුවන් සමාගමට එයාර් බස් යානා මිලදී ගැනීමේදී සිදුවූ බව කියන අල්ලස් සිද්ධිය සම්බන්ධයෙන් හිටපු ජනාධිපති මහින්ද රාජපක්ෂ මහතා අත්අඩංගුවට ගැනීමේ සූදානමක් පවතින බවට වාර්තා පලවෙමින් ඇත.
අදාළ මූල්ය අක්රමිකතාව සම්බන්ධයෙන් ප්රකාශයක් ලබා ගැනීම සඳහා හිටපු ජනාධිපතිවරයාට අල්ලස් හෝ දූෂණ චෝදනා විමර්ශන කොමිෂන් සභාව හමුවේ පෙනී සිටින ලෙස දන්වා ඇත.
දැනට රක්ෂිත බන්ධනාගාර ගත කර සිටින ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතාගෙන් ලබාගත් ප්රකාශයක් මෙම තීරණයට පදනම් වී ඇති බව වාර්තා වේ.
මෙම සිදුවීමේ විශේෂත්වය වන්නේ කපිල චන්ද්රසේන මහතා විසින් අධිකරණයට ඉදිරිපත් කර ඇති දිවුරුම් පෙත්සමයි. එහිදී ඔහු පෙන්වා දෙන්නේ අල්ලස් කොමිසමේ අධ්යක්ෂ ජනරාල්වරයා තමන්ට බලපෑම් කර අදාළ ප්රකාශය ලබාගත් බවයි.
එම බලපෑම් මත ලබාගත් කට උත්තරය පදනම් කරගනිමින් හිටපු ජනාධිපතිවරයාට එරෙහිව නීතිමය පියවර ගැනීමට සූදානමක් පවතින බවටද විවිධ මත පළවේ.
වසර කිහිපයකට පෙර ශ්රී ලංකන් ගුවන් සමාගම වෙනුවෙන් යානා මිලදී ගැනීමේදී අතරමැදි සමාගමක් හරහා ඩොලර් මිලියන 2ක මුදලක් හුවමාරු වූ බවට විමර්ශන මගින් හෙලි කරගෙන ඇත.
