සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
පොළොන්නරුව දිස්ත්රික්කය ලොව හොඳම වන අලි නිරීක්ෂණ මධ්යස්ථානයක් සහ සංචාරක පාරාදීසයක් බවට පත් කිරීම තම මූලික අරමුණ බව ටී.බී. සරත් මහතා ප්රකාශ කළේය.
පොළොන්නරුව ප්රදේශයේ පැවති උත්සවයක් අමතමින් ඒ මහතා මේ බව කියා සිටියේය.
පොළොන්නරුව සතු ඓතිහාසික උරුමය, ස්වභාවික සිරියාව සහ සුවිශේෂී පරිසර පද්ධතිය ලෝක මට්ටමේ සංචාරක ආකර්ෂණයක් බවට පත් කළ හැකි බව ඔහු මෙහිදී පෙන්වා දුන්නේය.
විශේෂයෙන්ම, කාලයක් තිස්සේ ප්රදේශයේ ජනතාවට ගැටලුවක්ව පවතින වන අලින්, විදේශීය සංචාරකයින් මෙරටට ගෙන්වා ගත හැකි ප්රධානතම සම්පතක් ලෙස භාවිත කළ යුතු බව ඔහුගේ අදහසයි.
"අපිට අවශ්යයි පොළොන්නරුව සංචාරක පාරාදීසයක් කරන්න. මෙහි තියෙන අසිරිය, ජනතාවගේ දක්ෂතාවලින් සහ ඓතිහාසික වටිනාකමෙන් නිසි ප්රයෝජන ගන්න ඕනේ. අපිට හැමදාම කරදරයක් වුණු වන අලියා, ලෝකයේ හොඳම අලි නරඹන ස්ථානය බවට පොළොන්නරුව පත් කරන්න යොදාගන්න පුළුවන්" යැයි ටී.බී. සරත් මහතා වැඩිදුරටත් සඳහන් කළේය.
මෙම සංවර්ධන ක්රියාවලිය හරහා පොළොන්නරුව වත්මන් තත්ත්වයට වඩා ඉහළ මට්ටමකට ගෙන ඒමටත්, ප්රදේශයේ ජනතාවගේ ආර්ථිකය ශක්තිමත් කිරීමටත් අපේක්ෂා කරන බව ද ඔහු අවධාරණය කළේය. ඒ සඳහා නිලධාරීන්ගේ සහ ප්රදේශවාසීන්ගේ සහයෝගය අත්යවශ්ය බව ද ඔහු වැඩිදුරටත් කියා සිටියේය.
