සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
දේශීය වෙළෙඳපොළේ ඉන්ධන සහ ගෑස් මිල ඉහළ නංවා ගැනීමේ අරමුණින් ඇතැම් පෞද්ගලික සමාගම් සැපයුම් සීමා කිරීම හේතුවෙන් ප්‍රදේශ කිහිපයක හිඟයක් මතුව ඇති බව බලශක්ති අමාත්‍ය අනුර කරුණාතිලක මහතා පවසයි.
කෙසේ වෙතත්, පවතින තත්ත්වය හමුවේ ඉන්ධන හෝ ගෑස් මිල ඉහළ දැමීමට රජයේ අදහසක් නොමැති බවද අමාත්‍යවරයා අවධාරණය කළේය.
ලෝක වෙළෙඳපොළේ ඉන්ධන මිල ඉහළ යාම පදනම් කරගනිමින් මෙරට ඉන්ධන මිලද විශාල වශයෙන් වැඩි කරන ලෙස පෞද්ගලික සැපයුම් සමාගම් රජයෙන් ඉල්ලා සිටින බව ඔහු සඳහන් කළේය.
🔹 ඉන්ධන ගැන අමාත්‍යවරයා කී දේ
ලංකා ඛනිජ තෙල් නීතිගත සංස්ථාවට අයත් පිරවුම්හල්වල ප්‍රමාණවත් ඉන්ධන තොග පවතින බවත්, හිඟය පවතින්නේ පෞද්ගලික පිරවුම්හල් ආශ්‍රිතව බවත් අමාත්‍යවරයා ප්‍රකාශ කළේය.
🔹 ගෑස් හිඟයට හේතුව කුමක්ද?
රාජ්‍ය සතු ලිට්රෝ සමාගම සතුව ප්‍රමාණවත් ගෑස් තොග පවතින බැවින් එහි හිඟයක් නොමැති බවද ඔහු පැවසීය. පෞද්ගලික සමාගම් බෙදාහරින ගෑස්වල පමණක් හිඟයක් මතුව ඇත්තේ මිල ඉහළ දැමීම සම්බන්ධයෙන් පවතින ගැටලු හේතුවෙන් බව අමාත්‍යවරයා පෙන්වා දුන්නේය.
🔹 නව පිරවුම්හල් ස්ථාපිත කිරීමටත් සැලසුම්
පෞද්ගලික සමාගම්වල ඒකාධිකාරයක් පවතින ප්‍රදේශවල ජනතාවට සහන සැලසීම සඳහා ඛනිජ තෙල් නීතිගත සංස්ථාව යටතේ නව පිරවුම්හල් කඩිනමින් ස්ථාපිත කිරීමට සැලසුම් කර ඇති බවද අමාත්‍යවරයා වැඩිදුරටත් සඳහන් කළේය.
මැදපෙරදිග කලාපයේ යුදමය නොසන්සුන්තාව හේතුවෙන් ගෝලීය බලශක්ති මිල ගණන් ඉහළ යමින් පවතින පසුබිමක මෙම තත්ත්වය මතුව තිබේ.
