ඊයේ එනම් 18 වැනිදා පමණක් ශ්‍රී ලංකාව තුළ කොරෝනා රෝගීන් දහදෙනකු සොයාගනු ලැබුවා.
මෙම දහ දෙනා ගෙන් සුදුවැල්ල ප්‍රදේශයෙන් නිරෝධායනය සඳහා රැගෙන ගිය තුන්දෙනෙකු ඊයේ උදෑසන කොරෝනා වෛරසය වැළඳී ඇති බවට තහවුරු වූ බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසනවා.
කොරෝනා වැළඳී ඇති බවට තහවුරු වූ ගුවන්තොටුපල සේවිකාව සමඟ සමීප සම්බන්ධකම් පැවැත්වූ කාන්තාවක් ඊයේ දිනයේ සොයාගත් 4වන ආසාදිතයා ලෙස සොයාගෙන තිබෙනවා.
තවද ඊයේ රාත්‍රී කාලයේදී තවත් රෝගීන් හයදෙනෙක් හඳුනාගත් බවත් එම පුද්ගලයන් කොටහේන ප්‍රදේශයේ නිරෝධායනය සඳහා රැගෙන ගිය අය අතර සිටි පුද්ගලයන් බවයි යුද හමුදාපතිවරයා සඳහන් කරන්නේ.
කොටහේන ප්‍රදේශයේ මෙම පුද්ගලයන් නිරෝධායනය සඳහා යොමු කර තිබෙන්නේ සුදුවැල්ල ප්‍රදේශයේ සොයාගත් කොරෝනා ආසාදිතයෙක් සැරිසැරූ බවට මෙම ප්‍රදේශය හඳුනා ගැනීමත් සමගයි.
යුද හමුදාපතිවරයා මෙම අදහස් පළ කළේ අද එනම් 19 වැනිදා උදෑසන රූපවාහිනී නාලිකාවකට සජීවීව අන්තර්ජාලය ඔස්සේ එක්වෙමිනි
