කොරෝනා වෛරසය ආසාධනය වූ බවට සැකකරන රෝගියෙකු ප්‍රතිකාර සදහා ඇතුළත් කර සිටියදී හලාවත මහා රෝහලෙන් පැන යාම නිසා ඔහු නැවත අල්ලා ගැනීමට මහජන සෞඛ්‍ය පරීක්ෂකවරුන්ට සහ පොලීසියට මහත් වෙහෙසක් දැරීමට සිදුවූ බව වාර්තා වනවා.
ඊයේ (18 ) සවස මෙම සිද්ධිය සිදුවී තිබෙනවා.
කොළඹ – නාගලගම් වීදිය ප්‍රදේශයේ පිරිසක් නීරෝධායන කටයුතු සදහා සෞඛ්‍ය නිලධාරීන් පිටත් කර යවන විට මොහු ද එම ස්ථානයේ සිට පැන ගොස් ඇති අයෙකු බවට හෙලි වී තිබෙනවා.
ඔහු තදින්ම මත් කුඩු පානයට ඇබ්බැහි වී සිටි අයෙකු බවද පොලීසිය සඳහන් කළා.
ඔහු රෝහලෙන් පැන ත්‍රී රෝද රථයක නැගී නිවස බලා පැමිනෙන බව එම අයගේ මව විසින් මහජන සෞඛ්‍ය පරීක්ෂකවරයාට දුරකතන ඇමතුමක් ලබා දී පවසා තිබෙනවා.
ඒ අනුව මහජන සෞඛ්‍ය පරීක්ෂකවරුන් සහ පොලීසිය මහත් පරිශ්‍රමයක් දරා පාළු නිවසක සැගවී සිටියදී ඔහුව අල්ලා ගැනීමට සමත්වී තිබෙනවා.
රෝහලෙන් පලා ගිය අයව ත්‍රී රෝද රථයකි රැගෙන ගිය අය සම්බන්ධයෙන්ද පොලීසිය සහ මහජන සෞඛ්‍ය පරීක්ෂකවරුන් විසින් විමර්ශණයක් ආරම්භ කර තිබුණා.
