ඕස්ට්‍රේලියාව විසින් කොරෝනා වෛරසය ආසාදනය වී ඇත්දැයි විනාඩි 15කින් හඳුනා ගත හැකි පරීක්ෂණ කට්ටලයක් නිෂ්පාදනය කර තිබෙනවා .
එය ඉදිරි සතියේ පරීක්ෂා කිරීම් සඳහා යොදා ගැනීමට නියමිත අතර, එමගින් එරට කොරෝනා වෛරස් පරීක්ෂාවන් කාර්යක්ෂම වනු ඇති බව එරට බෝවන රෝග පිළිබඳ විශේෂඥවරයෙකු මාධ්‍යට ප්‍රකාශ කළා.
ලෝක සෞඛ්‍ය සංවිධානය විසින් ද පෙන්වා දී ඇත්තේ කොරෝනා වෛරසය ව්‍යාප්තිය මැඬලීමට නම්, වෛරසය හඳුනාගැනීමේ පරීක්ෂාවන් පුළුල් කළ යුතු බවයි .
එම පරික්ෂාවේදී අදාල පුද්ගලයාගේ රුධිරය බින්දුවක් යොදා ගනිමින් විනාඩි 15ක් ඇතුළත අදාළ වෛරසයට එරෙහි ප්‍රතිදේහ නිපද වී ඇත්දැයි පරීක්ෂා කළ හැකි වන අතර ඒ සඳහා කෙටි කාලයක් ගත වන බවයි පවසන්නේ .
කෙසේවෙතත් ,දැනට පවතින නවීනතම කොරෝනා වෛරස් පරීක්ෂණ කට්ටල මගින් ප්‍රතිඵල ලබා ගැනීමට පැය 5ත්, 6ත් අතර කාලයක් ගත වන බවත් එම විශේෂඥවරයා තවදුරටත් මාධ්‍යට ප්‍රකාශ කර සිටියා.
