රෝග ප්‍රතිකාරයක් ලෙස ‘AVIGEN’ නම් ප්‍රති වයිරසය කාණ්ඩයේ ඖෂධය භාවිත කිරීම පිළිබඳ ජපානය තුළ කතාබහක් ඇති වුවද අද වන විට විශේෂඥයන් එම ඖෂධය කොරෝනා තත්ත්වයට සාර්ථක ප්‍රතිකාරයක් නොවන බව තහවුරු කර ඇතැයි, රජයේ වෛද්‍ය නිලධාරීන්ගේ සංගමය සඳහන් කරනවා.
ශ්‍රී ලංකාව තුළ හයිඩේ‍රාක්සි ක්ලෝරෝක්වීන් (Hydroxy chlroquine) ඖෂධය භාවිත කිරීම මේ වනවිට ආරම්භ වී ඇතැයි එම සංගමය පවසනවා.
ප්‍රතිදේහ හඳුනාගැනීමේ පරීක්ෂණ මඟින් කෙටි කාලයක් තුළ (විනාඩි 15කින් පමණ) රෝගීන් තහවුරු කිරීමේ පරීක්ෂණ ක්‍රමවේද (Rapid Test) කිහිපයක් මේ වනවිට ලොව පුරා විවිධ රටවල හඳුන්වා දී ඇතැයි පෙන්වාදෙන වෛද්‍ය හරිත අලුත්ගේ පවසන්නේ එම ක්‍රමවේදයන් අප රට තුළටද හඳුන්වාදීමට ඇති හැකියාව වහා සොයා බැලිය යුතු බවයි.
