ඊයේ (17) දිනයේදී සිදුකළ PCR පරීක්ෂණවලින් හදුනා ගැණුනේ ආසාදිතයින් 6 දෙනා නිරෝධායන මධ්‍යස්ථාන දෙකක සිටි පවුල් දෙකකට අයත් සාමාජිකයින් බවටයි හදුනාගෙන ඇත්තේ.
ඉන් තිදෙනෙකු මහරගම අපේක්‍ෂා රෝහලට ගිය කොරෝනා ආසාදිතයාගේ භාර්යාව සහ ගැහැණු දරුවන් දෙදෙනා වනවා. අනෙක් තිදෙනා කොටහේනේදී හදුනාගත් කෝරෝනා ආසාදිත කාන්තාවගේ සැමියා සහ පුතුන් දෙදෙනායි.
යුද්ධ හමුදාපති, ලූතිතන් ජෙනරාල් ශවේන්ද්‍ර සිල්වා කියාසිටියේ නිරෝධායනයට ලක්කරන පුද්ගයින්ට සිදුකරන PCR පරීක්ෂණ හරහා කොරෝනා ආසාදිතයින් හමුවී ඇති බවයි.
නිරෝධායනයට ලක්වන පුද්ගලයින්ට තවදුරටත් PCR පරීක්ෂණය සිදුකරන බවයි ඔහු කියාසිටියේ. අද දිනයේද නිරෝධායනය අවසන් කළ පිරිසක් නිවෙස් බලා පිටත්ව යන බවත් ඔවුන්ටද PCR පරීක්ෂණය සිදුකරන බවත් යුද්ධ හමුදාපති, ලූතිතන් ජෙනරාල් ශවේන්ද්‍ර සිල්වා වැඩිදුරටත් කියාසිටියා.
