ජාත්‍යන්තර කොරෝනා දත්ත සටහන් වලට අනුව ඉක්වදෝරයෙන් වාර්තා වන්නේ කොරෝනා රෝගීන් 7,603 ක් පමණි. ඉන් මිය ගොස් ඇත්තේ පුද්ගලයින් 355 කි. ඒ අනුව ඉක්වදෝර රජය හා රාජ්‍ය ආයතන විසින් ලබා දී ඇති එකී තොරතුරුවලට අනුව ඉක්වදෝරයේ තත්ත්වය ඉතාම හොද මට්ටමක පවතිනවා.
නමුත් ඇත්ත එය නොවේ. ඉක්වදෝර රජය කුමන අරමුණකින් තම රටේ සත්‍ය තත්ත්වය ලෝකයට වසන් කළද මේ වන විට ඉක්වදෝරය ‘අමු සොහොනක්’ බවට පත්ව තිබෙනවා.
රෝහල් හා නිවාසවල කොරෝනා ආසාධනයෙන් මියගිය අයගේ දේහයන් පවුල්වල සාමාජිකයින් විසින් ඔහේ අතහැර ගොස් තිබෙණු දක්නට ලැබෙන අතර එසේ කුණු වූ මළසිරුරු වලින් පිටවන් දුගද ගම් නගර පුරා විහිදෙමින් තිබෙනවා. ආදාහනාගාරවලට හා සුසාන භූමි වලය එම මරණ ප්‍රමාණය දරාගත නොහැකි තත්ත්වයට පත්ව ඇති නිසා එක නගරයක පමණක් එසේ අතහැර දැමූ මළකදන් ප්‍රමාණය 800 ක් පමණ බවයි වාර්තා වන්නේ.
නමුත්, රජයේ වාර්තා අනුව තවමත් එරට කොරෝනා මරණ ගණන 355 කි. සෙසු මරණ හේතුව නිසිලෙස හදුනා නොගත් මරණ ලෙස සලකා තිබෙනවා.
කෙසේ නමුත් මේ වනවිට තම රටට අත්ව ඇති ඉරණම පිළිබඳ ඉතා ශෝකයට පත් එරට ජනාධිපතිවරය දුක්බරව ජාතිය අමතා තම සෞඛ්‍ය අමාත්‍යාංශයේ දත්ත පිළිබඳව ඉතා කණගාටුවෙන් කතා කර තිබෙනවා.
කොරෝනා ආසාධනය වීමෙන් මෙතරම් ගණනක් මිය යාමටත්, නිල වාර්තා අනුව එම මරණ ගණන ඉතා අඩු වීමටත් හේතු වී ඇත්තේ ඔවුන් රෝගීන් පරීක්ෂා කිරීම් සිදු නොකිරීමයි. එමෙන්ම ඉක්වදෝරයේ සිදු කර ඇති සමස්ත පරීක්ෂණ ගණන 25,000 ක් පමණ වනවා.
