ඊයේ (02) දිනයේ මෙරටින් වාර්තා වූ සම්පූර්ණ කොරෝනා ආසාදිතයින් සංඛ්‍යාව 15ක් බවත් ඔවුන් 15 දෙනා නාවික හමුදා සෙබළුන් සහ ඔවුන්ගේ ඥාතීන් බවත් සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා පවසයි.
"ආසාදිතයින් 15ක් ඉන්නවා ඇත්ත වශයෙන්ම. මේ උදෑසන ආපු සංඛ්‍යාත් එක්ක. මේ 15 ගත්තාම 15න් 10ක්ම නාවික හමුදාවේ නිවාඩු ගොස් පැමිණි අය. ඊළඟට තවත් දෙදෙනෙක් ඉන්නවා වැලිසර නාවික කඳවුරේ සිටි අය. ඒවගේම තවත් තිදෙනෙක් සිටිනවා මිහින්තලේ යම්කිසි නිරෝධායන මධ්‍යස්ථානයක සිටි අය. ඒ අය නාවික හමුදා භටයින්ගේ ඥාතීන් හැටියට සලකන්න පුළුවන්. ඒ අනුව ඊයේ අපට ලැබුණු 15ම නාවික හමුදාවට සම්බන්ධ ආසාදිතයින් සංඛ්‍යාවක්" යනුවෙනුයි ඒ මහතා සඳහන් කළේ.
