කොරෝනා ව්‍යාප්තිය හේතුවෙන් වසා දමන ලද පාසල් නැවත ආරම්භ කිරීමට දින නියම කිරීමෙන් පසු ඒවායේ අධ්‍යාපන කටයුතු පවත්වාගෙන යාමට ක්‍රමවේදයක් සකස් කිරීමට අධ්‍යාපන අමාත්‍යංශය කටයුතු කරමින් සිටිනවා.
පාසැල් නැවත ආරම්භ කිරීම සඳහා වන සාකච්ඡාව දැනටමත් පළාත් මට්ටමින් සිදුකරමින් සිටින බවයි වාර්තා වන්නේ.
දකුණ, උතුරු මැද, වයඹ පළාත් අධ්‍යාපන බලධාරීන් සමග දැනටමත් ඒ සම්බන්ධයෙන් සාකච්චා අරඹා ඇති බව අධ්‍යාපන අමාත්‍යාංශය ලේකම් එම්.එච්.එම්. චිත්‍රානන්ද මහතා සඳහන් කළා.
එමෙන්ම මධ්‍යම, ඌව පළාත් අධ්‍යාපන බලධාරීන් සමඟ ඉදිරියේදී ඒ ගැන සාකච්ඡා කරන බව ඔහු සඳහන් කර සිටියා.
පාසල් ඇරඹීමට පෙර ඒවායේ විෂබීජහරණ කටයුතු හමුදා සහ සෞඛ්‍ය අංශ සහායෙන් සිදුකිරීමට සැලසුම් කර තිබෙනවා.
පළමු වටයේදී ආරම්භ පාසැල් කරන්නේ 13 වන ශ්‍රේණි සිසුන් සඳහා බව ජාතික පාසල් අධ්‍යක්ෂ කිත්සිරි ලියනගමගේ මහතා පැවසුවා.
