කොරෝනා වැළඳී සුවය ලබා නිවසට ගිය 67 හැවිරිදි පුද්ගලයකුට නැවත කොරෝනා ආසාදනය වී ඇති බවට තහවුරු වී ඇති බව ජා-ඇල ප්‍රදේශයෙන් වාර්තා වෙනවා
ඔහු පසුගිය මාර්තු 17 වන දා කොරෝනා ආසාදනය වී IDH රෝහලට ඇතුළත් කරනු ලැබුවා.
එහි මාසයක කාලයක් ප්‍රතිකාර ලැබීමෙන් පසු අප්‍රේල් 17 වෙනිදා යලි රෝහලෙන් පිටව ගිය අතර නිවසට පැමිණීමෙන් පසු ඔහු දින 14ක ස්වයං නිරෝධායනයට ලක් කෙරුණා.
කෙසේ නමුත් ඔහු අප්‍රේල් 30 වෙනිදා පපුවේ ඇතිවූ වේදනාවක් හේතුවෙන් කොළඹ ජාතික රෝහලට ඇතුලත් වී තිබෙනවා.
එහිදී සිදුකළ PCR පරීක්ෂණයකින් තහවුරුවී ඇත්තේ මෙම පුද්ගලයාට යලිත් වරක් කොරෝනා වෛරසය වැලදී ඇති බවයි.
මෙම පුද්ගලයා වකුගඩු සහ දියවැඩියා රෝගයෙන් පෙලෙන බවත් ඔහුට ඉතාලියේ සිට පැමිණි පුද්ගලයෙක් ඇසුරු කිරීමෙන් වෛරසයට ගොදුරුව ඇති බවයි වාර්තා වන්නේ.
එමෙන්ම ඔහුගේ පවුලේ සාමාජිකයින් සිව්දෙනෙක් ද ස්වයං නිරෝධායනයට ලක්කර තිබෙනවා.
