හොරණ මූලික රෝහලේ අංක 5 වාට්ටුවේ සේවය කළ හෙදියන් පහකට කොරෝනා ආසාදනය වී තිබෙනවා. එයින් දෙදෙනකු මාලබේ නෙවිල් ප්‍රනාන්දු රෝහලටද, තිදෙනෙක් අයිඩීඑච් රෝහලටද ඇතුළත් කර ඇති බව වාර්තා වනවා.
මෙම වාට්ටුවේ මුලින්ම රෝගය ආසාදනය වූ හෙදියගේ සැමියා බ්‍රැන්ඩික්ස් ආයතනයේ සේවකයකු වන අතර ඔවුන් පදිංචිව සිටින්නේ හොරණ කඳන්හේන ප්‍රදේශයේයි.
මෙම තත්ත්වය මත හොරණ මූලික රෝහලේ කාර්ය මණ්ඩලය වහා පීසීආර් පරීක්ෂණ සිදු කරන ලෙස ඉල්ලා උද්ඝෝෂණයක්ද කළ අතර එම රෝහලේ පීසීආර් පරීක්ෂණ සිදු කෙරෙමින් පවතිනවා.
