සිරගතව සිටින පාර්ලිමේන්තු මන්ත්‍රී රන්ජන් රාමනායක මහතා සමඟ සෙල්ෆි ගැනීමට සමගි ජන බලවේගයේ පාර්ලිමේන්තු මන්ත්‍රී හර්ෂ රාජකරුණා ට අවසර දුන් බන්ධනාගාර නිලධාරියාට එරෙහිව පරීක්ෂණයක් ආරම්භ කිරීමට නියමිත බව වාර්තා වනවා.
පාර්ලිමේන්තු මන්ත්‍රී රාමනායකගේ තත්ත්වය පිළිබඳව සොයා බැලීමට ඊයේ අඟුණුකොළපැලැස්ස බන්ධනාගාරයට ගිය අවස්ථාවේදී මෙම ඡායාරූපය ලබාගෙන තිබෙනවා.
පාර්ලිමේන්තු මන්ත්‍රී රන්ජන් රාමනායකගේ ඡායාරූපය, මන්ත්‍රී හර්ෂ රාජකරුණා විසින් සිය පුද්ගලික Facebook ගිණුමේ පළ කර තිබුණා.
පාර්ලිමේන්තු මන්ත්‍රී රාජකරුණගේ සංචාරයේ දී භාරව සිටි බන්ධනාගාර නිලධාරියා පිළිබඳව පරීක්ෂණයක් පවත්වන ලෙස බන්ධනාගාර කළමනාකරණ හා සිරකරුවන්ගේ පුනරුත්ථාපන අමාත්‍ය ලොහාන් රත්වත්ත මහතා නියෝග කර තිබෙනවා.
පාර්ලිමේන්තු මන්ත්‍රී හර්ෂණ රාජකරුණ මහතා පාර්ලිමේන්තු වරප්‍රසාද උල්ලංඝණය කර ඇති බව පාර්ලිමේන්තු අමාත්‍ය රත්වත්ත මහතා පැවසුවා.
