ස්පුට්නික් වී එන්නත් දෙකෙන් පළවෙනි මාත්‍රාව පමණක් සෑහීමකට පත්වෙන්න පුළුවන් කියලා රුසියානු නිෂ්පාදන ආයතනය හා පර්යේෂණ ආයතනය හෝ විද්‍යාඥයින් දැනුම් දීමක් කළහොත් ඒ සඳහා ගතයුතු ක්‍රියාමාර්ගයක් ලෙස මහනුවර ප්‍රදේශයේ එන්නත් ලබාදීමේදී අදාළ මුද්‍රාව තැබූ බව ඖෂධ නියාමනය පිළිබඳ රාජ්‍ය අමාත්‍ය චන්න ජයසුමන පවසනවා.
ඒ සඳහා පත් කරනු ලැබූ විශේෂඥ කමිටුවේ නිර්දේශ එම පියවර ගත් බවයි ඔහු වැඩි දුරටත් ප්‍රකාශ කලේ.
නමුත් ඊයේ සවස මාධ්‍ය වෙත ප්‍රකාශයක් ලබා දෙමින් අමාත්‍යවරයා සඳහන් කලේ මේ ආකාරයෙන්,
ස්පුට්නික් වී එන්නත් දෙකෙන් පළවෙනි මාත්‍රාව පමණක් සෑහීමකට පත්වෙන්න පුළුවන් කියලා රුසියානු නිෂ්පාදන ආයතනය හා පර්යේෂණ ආයතනය හෝ විද්‍යාඥයින් අපට දැනුම් දුන්නොත් අපි තීරණය කරනවා. එක එන්නතකින් සෑහීමකට පත්වෙන්න දැනට තීරණයක් අරගෙන නැහැ. අපට ඔවුන් කරන නිර්දේශය අනුව රඳා පවතින දෙයක් ඒ නිසා ව්‍යාජ ප්‍රචාරවලට රැවටෙන්න එපා…
ඒ අනුව අද පැවති විශේෂ මාධ්‍ය හමුවකදී අප අමාත්‍යවරයාගෙන් මෙසේ විමසුවා.
ඔබතුමා ඊයේ කියනවා එකක් ගැහුවම ප්‍රමාණවත් නැහැ කියල දැන් අද කියනවා එහෙම අදාළ පර්යේෂණ ආයතනය කිව්වොත් එකක් ගැහුවම ඇති කියල එනිසයි සීල එක ගැහුවේ කියලා.ඔබතුමාගේ කතාව හතරබීරි කතාවක්නේ?
ඊට පිළිතුරු දුන් අමාත්‍යවරයා,
හොඳට අහගන්නකෝ එහෙම එකක් නැහැ.ස්පුට්නික් වී එන්නත් දෙකෙන් පළවෙනි මාත්‍රාව පමණක් සෑහීමකට පත්වෙන්න පුළුවන් කියලා රුසියානු නිෂ්පාදන ආයතනය හා පර්යේෂණ ආයතනය හෝ විද්‍යාඥයින් දැනුම්දීමක් කලොත් ඒ සඳහා සුදානම් විදිහට අපි සීල් එක ගැහුවා.ඒක හොදට කියවන්නකෝ එකේ තියෙන්නේ,එකක් වුණත් ගහන්න කැමති කියලා.කොහෙවත් කියලා නැහැ එකක් විතරයි දෙන්නේ කියලා
