ප්‍රකට රූපලාවන්‍ය ශිල්පී චන්දිමාල් ජයසිංහ මහතා සහ ඔහුගේ රියදුරු කෙසෙල්වත්ත පොලීසිය වෙත කැඳවා තිබෙනවා. ඒ මාර්ග නීති උල්ලංඝනය කිරීමේ සිදුවීමක් සම්බන්ධයෙන් ප්‍රකාශ සටහන් කර ගැනීම සඳහායි.
නිරෝධායන නීති කඩ කරමින් උපන් දින සාදයක් පැවැත්වීම හේතුවෙන් චන්දිමාල් ජයසිංහ මහතා පසුගියදා පොලිස් අත්අඩංගුවට පත් වූ අතර කොළඹ මහේස්ත්‍රාත් අධිකරණය මගින් ඔහුව ඇපමත මුදා හැරිණි.
අධිකරණයෙන් පිටව යන අවස්ථාවේදී ඔහුගේ රථය මාර්ග නීති උල්ලංඝනය කරමින් ධාවනය කර තිබූ අතර මේ සම්බන්ධයෙන් සමාජ මාධ්‍ය හරහා විවේචන එල්ල විය. මෙම තත්වය මත කෙසෙල්වත්ත පොලීසිය විසින් පොලිස් පරීක්ෂණ ආරම්භ කර තිබෙන අතර චන්දිමාල් ජයසිංහ මහතා පොලීසිය වෙත කැඳවා තිබෙන්නේ ඊට අදාලව ප්‍රකාශ සටහන් කර ගැනීම සඳහායි.
