ඊයේ ප්‍රකශයට පත් කළ හුදෙකලා කළ ප්‍රදේශ වලට අමතරව තවත් ප්‍රදේශ කිහිපයක් අද (21) අලුයම සිට හුදෙකලා කර තිබෙනවා.
ඒ කොත්මලේ පොලිස් බල ප්‍රදේශයට අයත් කලුදමද ,හපුගස්තලාව,වීරපුර,බෙරමණ දකුණ සහ පහලගොරක ඔය යන ප්‍රදේශයි.
මේ අතර දිස්ත්‍රික්ක 12 ක ග්‍රාම සේවා වසම් 24 ක් අද අලුයම 4 සිට හුදෙකලා කළ බව ඊයේ දැනුම්දුන්නා.
දෙමටගොඩ ආරාමය පෙදෙස, 66 වත්ත ප්‍රදේශය ද ඊට ඇතුළත්.
ගම්පහ දිස්ත්‍රික්කයේ හුදෙකලා කළ ප්‍රදේශ වන්නේ යටිහේන, සියඹලාපේවත්ත සහ නාහේනයි.
අම්පාර දිස්ත්‍රික්කයේ නව වලතපිටිය ගම්මානයද හුදෙකලා කළා.
මඩකලපුව දිස්ත්‍රික්කයේ හුදෙකලා කළ ප්‍රදේශ වන්නේ එරාවුර් මීරවෝදි නැගෙනහිර , මීරවෝදී බටහිර සහ මැන්චකෝලායී බදුරිය යන ප්‍රදේශයි.
රත්නපුර දිස්ත්‍රික්කයේ දාපනේ , මුල්ලෙකන්දවත්ත සහ කොට්ටල යන ප්‍රදේශද හුදෙකලා කෙරෙන ප්‍රදේශ අතරට අයත්.
මහවස්කඩුව දකුණ සහ මිනේරිතැන්න සුනාමි ගම්මානය කළුතර දිස්ත්‍රික්කයේ හුදෙකලා කළ ප්‍රදේශ වනවා.
මාතලේ දිස්ත්‍රික්කයේ දෙමදඔය , නිකගොල්ල, නිකගොල්ල උතුර, කිවුලවාඩිය සහ ගුරුවෙල ප්‍රදේශ ද අද අලුයම සිට හුදෙකලා කළා.
යාපනය සාවට්කඩ්ඩු ප්‍රදේශය ද ඊට ඇතුළත්.
අද අලුයම 4 ට හුදෙකලා කළ මරක්කලගම අයත් වන්නේ පුත්තලම දිස්ත්‍රික්කටයි.
නුවරඑළිය දිස්ත්‍රික්කයේ කැරොලිනා වතුයායේ කඩවලවත්ත ද හුදෙකලා කළ ප්‍රදේශ අතර වනවා.
ගාල්ල දිස්ත්‍රික්කයේ බොල්තුඩුව සහ මාතර දිස්ත්‍රික්කයේ පැළෑන දකුණ ද අද අලුයම සිට හුදෙකලා කළා.
මේ අතර දිස්ත්‍රික්ක 12 ක ග්‍රාමසේවා වසම් හා ප්‍රදේශ 82 කට පැනවූ හුදෙකලා තත්ත්වය අද අලුයම 4 ට ඉවත් කෙරුණා.
