ඇතැම් ප්‍රදේශ වල මේ වන විට සම්බා හා කීරි සම්බා සහල් හිගයක් ඇති වී තිබෙන අතර එම සහල් වර්ගවල මිල ඉහළ ගොස් තිබේ.
කිරි සම්බා සහල් කිලෝවක් රුපියල් 300 කටත් සම්බා කිලෝවක් රුපියල් 270 කටත් අලෙවි කරන බවද පරිභෝගික ජනතාව සඳහන් කරති.
සහල් සඳහා පනවා තිබෙන උපරිම මිල ගණන් වෙනස් කර තිබෙන බව පවසා සිල්ලර වෙළෙඳුන්ට සහල් වැඩි මිලට අලෙවි කිරීමට ඇතැම් මෝල් හිමියන් සහ තොග වෙළෙඳුන් කටයුතු කරන බවට තොරතුරු ලැබී ඇතැයි පාරිභෝගික කටයුතු අධිකාරිය සඳහන් කරයි.
පාරිභෝගික කටයුතු අධිකාරිය විසින් සහල් සඳහා පනවා තිබෙන තොග මිල, උපරිම සිල්ලර මිල වෙනස් කර හෝ ඉවත් කර නොමැති බවද පෙන්වා දෙයි.
මේ අනුව කැකුළු සහල් කිලෝවක සිල්ලර මිල රුපියල් 220ක්, නාඩු සහල් කිලෝවක මිල රුපියල් 230ක්, සම්බා සහල් කිලෝවක මිල රුපියල් 240 ක් සහ කිරි සම්බා කිලෝවක සිල්ලර මිල රුපියල් 260ක් වන බව අධිකාරිය සඳහන් කරයි
