මෙරට පුද්ගලයන් කිහිප දෙනෙකුට සම්බාධක පැනවීම හරහා ඉදිරියේදී රටට එරෙහිව වුවද සම්බන්ධක පැනවීමට හැකි බව නීතිඥ මහාචාර්ය ප්‍රතිමා මහානාම මහතා සඳහන් කරයි.
මෙම තත්ත්වය උදාකර ගෙන ඇත්තේ ශ්‍රී ලංකාව විසින්ම බවද පවසන ඔහු කොමිෂන් සභා බොහෝ ප්‍රමාණයක් පත්කර ඇතත් ඒවායේ කිසිම නිර්දේශයක් කිසිම රජයක් ක්‍රියාත්මක නොකිරීම ඊට හේතුව බවද හෙතෙම කියා සිටියේය.
හිටපු හමුදාපති ශවේන්ද්‍ර සිල්වා, හිටපු නාවික හමුදාපති වසන්ත කරන්නාගොඩ, හිටපු හමුදාපති ජගත් ජයසූරිය ඇතුළු පිරිසකට බි‍්‍රතාන්‍ය විසින් සම්බාධක පැනවීම සම්බන්ධයෙන් අදහස් පල කරමින් ඔහු මේ බව පැවසුවේය.
මෙරට පැවති යුද්ධය අතරතුර මානව හිමිකම් උල්ලංඝනය කලේ යයි පුද්ගලයින් කිහිප දෙනෙකුට එක්සත් රාජධානිය විසින් සම්බාධක පනවා ඇති අතර ඔවුන්ගේ එක්සත් රාජධානියේ සංචාරය තහනම් කිරීම, එරට වත්කම් එක් රැස් කිරීම, එරට ඔවුන් නමින් ඇති වත්කම්ද ඒ අනුව තහනම් කෙරේ.
