සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
රජය ක්‍රියාත්මක කරන ‘රටම එකට’ ජාතික මත්ද්‍රව්‍ය නිවාරණ වැඩසටහන වෙනුවෙන් සෑම ආගමික දේශනාවකින්ම විනාඩි පහක කාලයක් වෙන් කරන ලෙස මහා සංඝරත්නය ඇතුළු පූජ්‍ය පක්ෂයෙන් ඉල්ලීමක් කළ බව මහජන ආරක්ෂක නියෝජ්‍ය අමාත්‍ය සුනිල් වටගල මහතා පවසයි.
රූපවාහිනී වැඩසටහනකට එක්වෙමින් ඔහු සඳහන් කළේ, මත්ද්‍රව්‍ය උවදුර මැඩපැවැත්වීම සඳහා භික්ෂූන් වහන්සේලා, පියතුමන්ලා ඇතුළු සර්වාගමික පූජ්‍ය පාර්ශ්වයේ දායකත්වය ඉතා වැදගත් වන බවයි.
මත්ද්‍රව්‍ය භාවිතයෙන් සිදුවන විනාශය පිළිබඳව ජනතාව දැනුවත් කිරීමට ආගමික දේශනාවලදී කෙටි කාලයක් වෙන් කිරීමේ අවශ්‍යතාව ඔහු එහිදී අවධාරණය කළේය.
කෙසේ වෙතත්, බෞද්ධ ධර්ම දේශනාවලදී දේශපාලන මාතෘකා හෝ රාජ කතා ඇතුළත් කිරීම සම්බන්ධයෙන් සාකච්ඡාවේදී ප්‍රශ්නයක් මතු විය. ඊට පිළිතුරු දෙමින් වටගල මහතා කියා සිටියේ මත්ද්‍රව්‍ය උවදුරෙන් සමාජය මුදාගැනීම සඳහා අවවාදානුශාසනා ලබාදීම ජාතක කතා හෝ ධම්මපද දේශනාවලට පටහැනි නොවන බව තමන් විශ්වාස කරන බවයි.
මෙම ඉල්ලීම සහ ඒ සම්බන්ධයෙන් මතු වූ අදහස් මේ වන විට අවධානයට ලක්ව තිබේ.
