Type Here to Get Search Results !

මට අභියෝග නැහැ. මොකද සමහරු අද එනවා හෙට නැහැ. - ටීනා ෂනෙල්


නිරූපණ ක්ෂේත්‍රයෙන් සිනමාවට පෑයූ තරු බොහොමයි. අද ඔවුන් සිනමාවේ ජනප්‍රිය තරු බවට පත්වී හමාරයි. ඒ තරු අතර තරුවක් වූ ටීනා ෂනෙල් කාලෙකට පස්සෙ අප සමඟ කතා කළේ මේ විදියට.
ටීනා ඉතින් කොහොමද අලුත් තොරතුරු?
නිරූපණ ක්ෂේත්‍රයේ වැඩ කටයුතු කරගෙන ඉන්නවා. ටෙලි නාට්‍යයකින් ආරාධනාවක් ලැබුණා. මේ මාසයේ අවසානයේ එහි වැඩ කටයුතු පටන් ගනීවි.
ටීනා ෆැජන්ට් තරගවලට එහෙම යොමු වෙන්න අදහසක් නැතිද නිරූපණ ක්ෂේත්‍රයේ වැඩ කටයුතු කරන නිසා?
ෆැජන්ට්වලට යනවා නම් අතේ තියෙන සල්ලි වියදම් කරගෙන යන්න තමයි වෙන්නේ. එහෙම නිරූපණ ක්ෂේත්‍රයේ අයට ලංකාවේ කිසිම අනුග්‍රහයක් නැහැ. එහෙම අනුග්‍රාහක භවතුන් අපටත් ලැබුණොත් ඒ සඳහා ඉදිරිපත් වෙනවා.
ඔබව කාලයක් එක දිගට ගීත රූප රචනාවල දැක ගන්න ලැබුණා. පසුකාලීනව නැවැත ඔබ එයට සම්බන්ධ නොවී හිටියා. ඔබ නැවැත මියුසික් වීඩියෝවලට සම්බන්ධ වෙනවා නේද?
මෙහෙමයි කාලයක් මියුසික් වීඩියෝ බලන්න බැරිම තැනට පත්වුණා. එයින් මට එපා වුණා. ඉතින් ඒ කාල සීමාවල මියුසික් වීඩියෝ සඳහා සම්බන්ධ නොවී ඉන්න තීරණය කළා. නැවැත තෝරා බේරාගෙන හොඳ රූප රචනා සඳහා සම්බන්ධ වෙනවා.
ඔබ කාලෙන් කාලෙට විලාසිතා මවන්නියක්. ඔය විලාසිතා දෙස සමහරු බලන කෝණය වෙනස් නේද?
දෙවියන්ගේ පිහිටෙන් මට එහෙම ප්‍රශ්න නැහැ. මගේ විලාසිතා ගොඩ දෙනෙක් අනුකරණය කරන්න තමයි පෙලඹිලා ඉන්නේ. කවුරු මොනවා කිව්වත් මට ප්‍රශ්නයක් නැහැ. මම රංගන ශිල්පිනියක්. මගේ මුදල්වලින් මම කාලා බීලා ඇඳලා ඉන්නේ. ඉතින් මගේ පවුලේ අයට ප්‍රශ්නයක් නැතිනම් මට අවුලක් නැහැ.
ඔබ සිනමාවට පිවිසියේ දේදුනු ආකාසේ චිත්‍රපටය හරහා. ඒත් ඔබ සිනමාවට වඩා පුංචි තිරයට ලොකු නැඹුරුවක් පෙන්වන බවක් පෙනෙනවා?
එහෙම වර්ගීකරණයක් නැහැ. මට ගැළපෙන හොඳ පිටපතක් ලැබුණොත් මම සම්බන්ධ වෙනවා. දැන් තිබෙන තරගකාරීත්වයත් එක්ක එහෙම ටෙලි, චිත්‍රපට කියලා වර්ග කරගෙන තෝරා බේරා ගෙන යන්න අපහසුයි.
ඒ කියන්නෙ දවසින් දවස ක්ෂේත්‍රයට එන නිළියො එක්ක ටීනාට දැන් අභියෝග ඇති?
එහෙම මට අභියෝග නැහැ. මොකද සමහරු අද එනවා හෙට නැහැ. ඔවුන්ට ක්ෂේත්‍රය ගැන හැඟීමක් නැහැ. ඔහේ හිතවත්කම් මත සම්බන්ධ කම් මත තමයි ක්ෂේත්‍රයට සම්බන්ධ වෙන්නේ. ඉතින් මගේ පාඩුවේ මගේ ගමන යනවා හෙටත්.


Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad

Ads