කොරෝනා වෛරසය ආසාදනය වූ පුද්ගලයෙකු ගල්කිස්ස, බඩෝවිට ප්‍රදේශයෙන් වාර්තා වී ඇති තිබෙන බව සෞඛ්‍ය අංශ වාර්තා කරනවා.
මෙම පුද්ගලයා මිනුවන්ගොඩ බ්‍රැන්ඩික්ස් ආයතනයේ සේවකයෙක් වන අතර ඔහු කොල්ලුපිටියේ පිහිටි බ්‍රැන්ඩික්ස් ආයතනයේ ප්‍රධාන කාර්යාලයටද ගොස් ඇති බවයි වාර්තා වන්නේ.
එමෙන්ම මෙම පුද්ගලයා පසුගිය සැප්තැම්බර් 27 වෙනිදා බණ්ඩාරනායක සම්මන්ත්‍රණ ශාලාවේ පිහිටි ජාත්‍යන්තර පොත් ප්‍රදර්ශණය නැරඹීමට ද ගොස් තිබෙන බවට හෙළිවී තිබෙනවා.
මෙම කොරෝනා වෛරසය ආසාදිත පුද්ගලයාගේ බිරිඳ වෛද්‍යවරියක් වන අතර ඇය ප්‍රසුත නිවාඩු ලබමින් නිවසේ පසුවනවා.
මේ වන විට මෙම පුද්ගලයා ඉරණවිල ප්‍රදේශයේ පිහිටි කොවිඩ් 19 ප්‍රතිකාර මධ්‍යස්ථානයට යොමුකර ඇති අතර පවුලේ පිරිස් සහ ආශ්‍රිතයින් නිරෝධායනය සඳහා අවශ්‍ය ක්‍රියා මාර්ග ගෙන ඇති බවයි සෞඛ්‍ය අංශ සඳහන් කළේ.
