සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
යල කන්නයට අවශ්ය සියලුම වර්ගයේ පොහොර ප්රමාණවත් පරිදි රට තුළ පවතින බව කෘෂිකර්ම අමාත්ය කේ.ඩී. ලාල්කාන්ත මහතා පවසයි. කෘෂිකර්ම අමාත්යාංශයේදී පැවැති විශේෂ සාකච්ඡාවකට එක්වෙමින් අමාත්යවරයා මේ බව සඳහන් කළේය.
යල කන්නය සඳහා අවශ්ය පොහොර තොග මේ වන විටත් දිවයිනට ලැබී ඇති අතර, ඒවා ගොවි ජනතාව වෙත බෙදා හැරීමේ කටයුතු ද ආරම්භ කර ඇති බව හෙතෙම කියා සිටියේය.
පොහොර බෙදා හැරීමේ යාන්ත්රණය විධිමත්ව ක්රියාත්මක වන බැවින්, මෙම කන්නයේදී කිසිදු භෝග වගාවකට පොහොර හිඟයක් ඇති නොවන බව අමාත්යවරයා මෙහිදී අවධාරණය කළේය.
ගොවීන්ට අවශ්ය සහන සැලසීමට රජය උපරිමයෙන් කැපවී සිටින බව ද ඔහු වැඩිදුරටත් පැවසීය.
පොහොර සැපයුම සම්බන්ධයෙන් පදනම් විරහිත සහ අසත්ය ප්රකාශ සිදු කරමින් ජනතාව නොමඟ යවන පිරිස් සිටින්නේ නම්, ඔවුන්ට එරෙහිව දැඩි ලෙස නීතිමය ක්රියාමාර්ග ගන්නා බව ද අමාත්යවරයා මෙහිදී අනතුරු ඇඟවීය.
රටේ කෘෂිකාර්මික නිෂ්පාදන ක්රියාවලියට බාධා වන අයුරින් කටයුතු කිරීමට කිසිවෙකුට ඉඩ නොදෙන බව ද ඔහු වැඩිදුරටත් සඳහන් කළේය.
