සම්පූර්ණ පුවත කියවන්න පහත "පුවත කියවන්න" බොත්තම ඔබන්න..
ශ්රී ලංකාවේ කෘෂිකර්මාන්තය නවීන තාක්ෂණය සහ විද්යාත්මක ක්රමවේදයන් මත පදනම් වූ නව යුගයකට ගෙන යාමේ අවශ්යතාව කෘෂිකර්ම අමාත්ය කේ. ඩී. ලාල් කාන්ත මහතා අවධාරණය කළේය.
රුහුණු විශ්වවිද්යාලයේ කෘෂිකර්ම පීඨය සංවිධානය කළ “කෘෂිකර්මය සහ පරිසරය පිළිබඳ ජාත්යන්තර සම්මන්ත්රණය – ISAE 2026” කොළඹදී පැවැති අවස්ථාවේදී අමාත්යවරයා මේ බව සඳහන් කළේය.
💧 ජල කළමනාකරණය, දියුණු බීජ භාවිතය සහ පැළයට අවශ්ය පෝෂණය නිවැරදි ප්රමාණයෙන් නිවැරදි මොහොතේ ලබාදීමේ විද්යාත්මක ක්රමවේදයක් වෙත කෘෂිකර්මාන්තය යොමු කළ යුතු බව ඔහු පෙන්වා දුන්නේය.
🔬 එමෙන්ම රජය, පෞද්ගලික අංශය සහ විශ්වවිද්යාල පද්ධතිය එක්කරමින් සිදුකරන සංවාද කතාබහට පමණක් සීමා නොවී, ප්රායෝගිකව ක්රියාත්මක කළ හැකි ව්යාපෘති බවට පත්විය යුතු බවද අමාත්යවරයා පැවසීය.
🗣️ “විද්වත් සියලු දෙනා එකතු වී රටට වඩාත්ම සුදුසු හොඳම ක්රමවේදය අපට ලබා දෙන්න. රජයක් ලෙස එය ක්රියාත්මක කිරීමට අවශ්ය නීතිමය හා ප්රතිපත්තිමය සහාය ලබාදීමට අපි සූදානම්.” යැයි ලාල් කාන්ත මහතා සඳහන් කළේය.
පොහොර සම්බන්ධයෙන් මතවාද සහ ප්රතිවිරෝධතා පැවතීම ස්වාභාවික බවත්, හොඳම විසඳුම් බිහිවන්නේ එවැනි සංවාදයන් තුළින් බවත් ඔහු අවධාරණය කළේය.
🇱🇰 පසුගිය පොහොර අර්බුදයේදී පෞද්ගලික අංශය සතු පොහොරවලින් 65%ක් රජයට ලබාදී සහයෝගය දැක්වීම පිළිබඳවද අමාත්යවරයා එම අංශයට ස්තූතිය පළ කළේය.
