මීට දින දෙකකට ඉහතදී කොරෝනා වෛරසය ආසාදනය වී ඇති බවට තහවුරු වූ කොටහේන ප්‍රදේශයේ පදිංචි කාන්තාවට පසුගිය මාර්තු මස 27 වැනිදා පළමු වරට කොරූනා රෝග ලක්ෂණ පෙන්නුම් කර ඇත. ඇය ඇදුම රෝගයෙන් පෙළෙන බැවින් ඒ සම්බන්ධයෙන් වැඩි අවධානයක් යොමු කර නොමැති බවට කරුණු තහවුරු වී ඇති බව සෞඛ්‍ය අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ සදහන් කර සිටිනවා.
දඹදිව සංචාරයක් සඳහා ගොස් පසුගිය මාර්තු මස 12 වැනිදා යළි ශ්‍රී ලංකාව බලා පැමිණි එම 59 හැවිරිදි කොටහේන ප්‍රදේශයේ කාන්තාවට කොරෝනා වෛරසය වැළඳී ඇති බවට තහවුරු වුණේ මීට දින කිහිපයකට පෙරය. ඒ ඇය වෙනත් රෝගී තත්ත්වයක් මත කොළඹ ජාතික රෝහලට ඇතුළත් කර සිටියදී.
මෙම කාන්තාවට කොරෝනා වෛරසය ආසාදනය වූයේ කෙසේද යන්න සම්බන්ධයෙන් සිදු කළ කරුණු විමසීමේදී ඇය කියා සිටියේ තමන් ශ්‍රී ලංකාවට පැමිණි ගුවන් යානයේ ආසනය අසල සිටි විදේශිකයෙක් අධික ලෙස කැස්ස ඇති බවට නිරීක්ෂණය කළ බවයි පසුව ගුවන් සේවිකාවකි බව ප්‍රකාශ කිරීමෙන් අනතුරුව ඇයට වෙනත් ආසනයක් ලබා දුන් බවටද ඇය කරුණු හෙළි කළ බවයි සෞඛ්‍ය අධ්‍යක්ෂ ජෙනරාල්වරයා කියා සිටියේ.
මෙම කාන්තාවට එම විදේශීය පුද්ගලයාගෙන් වෛරසය ආසාදනය වුව ද එසේත් නැත්නම් ඉන්දීය සංචාරයේදී කොරෝනා වෛරසය ආසාදනය වූවා ද යන්න සම්බන්ධයෙන් වන කරුණ අපහැදිලි බවයි සෞඛ්‍ය අධ්‍යක්ෂ ජනරාල්වරයා වැඩිදුරටත් කියා සිටියේ
