නව කොරෝනා වෛරසයෙන් මියගිය පුද්ගලයින් සංඛ්‍යාව 1,290කින් ඉහල දැමීමට චීනයේ, වුහාන් නගර බලධාරින් පියවර ගෙන තිබෙනවා.
නවතම සංඛ්‍යා ලේඛණ අනුව වුහාන් නගරයේ සිදුව ඇති කොරෝනා මරණ සංඛ්‍යාව 3,869ක් බවයි බලධාරින් සඳහන් කරන්නේ. ඒ අනුව චීනයේ සිදුව ඇති කොරෝනා මරණ සංඛ්‍යාව 4,642ක් වේ.
කොරෝනා වෛරසයේ ආරම්භයත් සමග ඇතැම් රෝගීන් නිසි පරිදි වෛද්‍ය ප්‍රතිකාර නොලැබීම හේතුවෙන් ඔවුන්ගේ නිවෙස්වලදීම මියගොස් ඇති බව චීන බලධාරින් සඳහන් කර සිටිනවා.
වෛරසයේ ව්‍යාප්තියේ උච්චතම අවස්ථාවේදී වෛද්‍ය නිලධාරින් රෝගීන්ට ප්‍රතිකාර කිරිම සඳහා සිය අවධානය යොමු කර ඇති බවත් සිදුවූ මරණ සම්බන්ධයෙන් දැනුම් දීමට ප්‍රමාද වීම සහ මග හැරීම් නිසා මෙවැනි තත්ත්වයක් ඇතිවූ බවයි එරට බලධාරින් සඳහන් කරන්නේ.
කෙසේ වුවත් කොරෝනා වෛරසයෙන් චීනයේ ජිවිතක්ෂයට පත්වූ පුද්ගලයින් ගේ නිල වාර්තාවන් සඟවන බවට පසුගිය දින කිහිපයේ සිට අමෙරිකාව චෝදනා කරන පසුබිමක මෙලෙස චීන බලධාරින් කොරෝනා මරණ සංඛ්‍යාව ඉහළ දැමීම ගැන කාගේත් අවධානය යොමුව තිබෙනවා
